Ձեր վստահելի աղբյուրը

Մակեդոնիայի մայրաքաղաքում ՈՒԵՖԱ-ի սուպեր գավաթակիր դարձավ Ռեալի Մադրիդը, «Մանչեսթր Յունայթեդ»-ի հետ հանդիպումն ավարատվեց 2:1 հաշվով:

«Ռոմելու Լուկակուն հասավ նպատակին, բայց Սկոպյեում մեր գիշերը չէր»,-ասված է «Մաչեսթր Յունայթեդ»-ի ֆեյսբուքյան էջում:

Կարմիր սատանաներն այսուհետ պատրաստվելու են ներքին խաղաշրջանին, առաջին հանդիպումը օգոստոսի 13-ին է, Վեսթ Հեմ Յունայթեդի հետ:

Հիշեցնենք, որ Հայաստանի ազգային հավաքականի ավագ Հենրիխ Մխիթարյանը մեկնարկային կազմում էր: Նա դաշտում մնաց մինչև խաղի ավարտը:

Մեկնաբանելով խաղը Մոուրինյան նշել է, որ առաջին 20 րոպեն վերահսկողությունը եղել է իր տղաների ձեռքում, դրանից հետո «Մադրիդի» տղաներն ավելի լավ վիճակում են հայտնվել:

«Պետք չէ հիասթափվել, պետք է լինել լավատես ու հպարտ»,-ասել է մարզիչը:

Ի դեպ նա խոստովանել է, որ իր երկարամյա կարիերայի ընթացքում որևէ այլ թիմի այնքան չի սիրել, որքան «Մանչեթսր Յունայթեդ»-ին:

«Ես այնքան երջանիկ եմ այս տղաների մարզիչը լինելու համար: Մի քանի օր առաջ ես նրանց ասել եմ, որ իմ երկարամյա գործունեության ընթացքում որևէ այլ թիմի այնքան շատ չեմ սիրել  ինչքան իրենց»,-ասել է նա: