Ձեր վստահելի աղբյուրը

Դեմոկրատական կուսակցության նախագահ Արամ Սարգսյանին անհանգստացնում է ոչ թե ամերիկացի համանախագահի հայտարարությունը, այլ Հայաստանի արտաքին գործերի նախարարության արձագանքը: Նա կարծում է, որ Հոգլանդի հայտարարությունը ևս մի փորձ էր՝ պարզելու հասարակության արձագանքը, իսկ այդ արձագանքը պետք է լինի շատ կոշտ:

«ԱԳՆ-ն ասում է՝ նոր բան չկա: Եթե նոր բան չկա, ուրմեն՝ դուք համաձայնել եք քննարկել էս հարցերը»,-լրագրողների հետ հանդիպմանն ասաց Ա. Սարգսյանը:

Նրա խոսքով, հայտարարություններն ու քննարկումներն ընթանում են սիրողական մակարդակով:

«Մենք ժամանակին առաջարկեցինք, որ բանակցությունները պետք է լինեն երևանյան սկզբունքներին համապատասխան: Եթե ուզում եք խաղաղություն լինի, պետք է վստահություն լինի երկու ժողովուրդների միջև: Եթե իշխանությունները ցանկանան հաճոյանալ ու հանձնել յոթ տարածքները, դրանից Ադրբեջանի ախորժակը չի փակվի, ոչ մի միջազգային երաշխիք էլ ձեզ չի փրկի»,-մտահոգությունները ներկայացրեց նա:

Մանրամասները՝ տեսանյութում: