Ձեր վստահելի աղբյուրը

Փաստաբանների պալատի նախագահ Արա Զոհրաբյանը չի պատրաստվում միանալ սեպտեմբերի 13-ին հայտարարված գործադուլին:

«Միանալու մտադրություն չունեմ, կարծում եմ, որ կարելի էր ավելի լավ կազմակերպել»,-լրագրողների հետ հանդիպմանը հայտարարեց Արա Զոհրաբյանը:

Հիշեցնենք, որ ավելի քան 170 փաստաբան պատրաստվում է սեպտեմբերի 13-ին գործադուլ անել՝  հրաժարվելով մասնակցել այդ օրը նշանակված դատական նիստերին:

Նրանք բողոքում են քրեակատարողական հիմնարկներում, դատարաններում դատական կարգադրիչների կողմից փաստաբանների զննություններից ու խուզարկություններից՝ դրանք որակելով ապօրինի:

«Այս ծայրահեղ քայլին գնալուց առաջ մենք պետք է ասենք, որ քայլեր ենք ձեռնարկել հաջողության չենք հասել: Եթե սխալ զննություն են իրականացրել, չեն պահել օրենքը, ապա պետք է լինեն բողոքներ: Ասեն, մենք արել ենք այս քայլերը, բայց հաջողության չենք հասել: Բացի այդ հայտարարությունը հասցեատեր չունի»,-ասաց նա:

Զոհրաբյանն ասաց, հարգում է փաստաբանների որոշումը:

Մանրամասները՝ տեսանյութում: