Ձեր վստահելի աղբյուրը

Աշխարհահռչակ հայազգի ծովանկարիչ Հովհաննես Այվազովսկու «Քաոս» կտավն արդեն Հայաստանի Ազգային պատկերասրահում է: Այն Վենետիկի Մխիթարյան միաբանությունից բերվել է Հայաստան, ցուցադրվելու է Հ. Այվազովսկու ծննդյան 200-ամյակին նվիրված «Արարում» ցուցահանդեսում:

Նշենք, որ ցուցահանդեսը բացվելու է սեպտեմբերի 15-ին:

Մոնումենտալ այս կտավի հիմքում աշխարհի արարման մասին աստվածաշնչյան սյուժեն է. նկարիչը Աստծո հոգին ներկայացրել է լույսի տեսքով, որը մռայլ ամպերի արանքից դուրս է գալիս: Երբ Այվազովսկին կտավը ներկայացրել է Իտալիայում, Հռոմի Գրիգոր 16-րդ պապը շատ է տպավորվել, ցանկացել է ձեռք բերել իր հավաքածուի համար: Սակայն հոգևորականները նկարում նկատել են չար ուժեր, որոնք, նրանց կարծիքով, նկարիչը կանխամտածված թաքցրել է մութ ամպերում: Որպեսզի իմանան՝ այդպես է դա, թե ոչ, կարդինալները խորհուրդ են հրավիրել, և  նկարը մանրամասն ուսումնասիրել, բայց որևէ բան չեն հայտնաբերել: Այդպես «Քաոս»-ը հայտնվել է Վատիկանում՝ 1841 թվականին: Հետագայում Հռոմի պապն այն նվիրել է Մխիթարյան միաբանությանը՝ 1901 թվականին:

Նկարի շրջանակը պահպանված է հենց Այվազովսկու ժամանակներից, մինչ օրս այն չի փոխվել:

Տեսանյութը՝ Ագային պատկերասրահի ֆեյսբուքյան էջից