Ձեր վստահելի աղբյուրը

Ուլտրամանուշակագույն ճառագայթների ազդեցությունը մարդու  օրգանիզմի վրա կարող է բացասական հետևանքներ թողել: Դրանցից առավել տարածված է մելանոմա հիվանդությունը՝ մաշկի չարորակ նորագոյացություն:

«Մաշկի նորագոյացությունների մեջ այն ցածր տոկոս է կազմում, սակայն մահացության ցուցանիշով ռիսկային է»,-լրագրողների  հետ զրույցում ասաց ԱՆ Հիվանդությունների վերահսկման և կանխարգելման ազգային կենտրոնի Շրջակա միջավայրի հիգիենայի բաժնի պետ Ռուբեն Գրիգորյանը:

Վկայակոչելով առողջապահության համաշխարհային կազմակերպության տվյալները, Ռ. Գևորգյանն ասաց, որ տարեկան աշխահում այդ հիվանդության  200 հազար նոր դեպք է գրանցվում: Հիվանդների 32 տոկոսը մահանում են:

«Հայաստանում պաշտոնական տվյալներով 2016-ի դրությամբ մելանոմայով  502 հիվանդ կա»,-նշեց մասնագետը:

Նա բացատրում է, որ ուլտրամանուշակագույն ճառագայթներից խուսափելը չի նշանակում ընդհանրապես արևի տակ չմնալ: Դա էլ կարող է բերել Դ վիտամինի պակասին, որի հետևանքով առաջանում է  ռախիտ հիվանդությունը:

Մանրամասները՝ տեսանյութում: