Ով մտածում է՝ կա անվտանգ Հայաստան առանց Արցախի անվտանգության ապահովման, նա որևէ բան չի հասկանում . Վիգեն Սարգսյան

Քաղաքական 16:32 18/09/2017

Ով մտածում է՝ կա անվտանգ Հայաստան առանց Արցախի անվտանգության ապահովման, նա որևէ բան չի հասկանում . Վիգեն Սարգսյան

«Հայաստան-Սփյուռք» 6-րդ համաժողովում ՀՀ Պաշտպանության նախարար Վիգեն Սարգսյանը «Հայաստանի Հանրապետության պաշտպանական քաղաքականության առանձնահատկություները ժամանակակից մարտահրավերների պայմաններում» նիստում անդրադարձավ բանակաշինությանը, «Ազգ-բանակ» հավաքական ներուժի զարգացման մոդելին, բանակաշինության հարցերին:

Նախարարը նախ խոսեց Հայաստանի անկախությունից՝ նշելով, որ այսօր դժվարանում է ասել, թե ինչպիսին կլիներ Հայաստանն առանց անկախության:

«Հայաստանի Հանրապետությունն անկախության առաջին իսկ օրվանից կենաց-մահու կռիվ տվեց իր գոյության իրավունքի համար, և ով դեռ շարունակում է մտածել, որ այսօր կա անվտանգ Հայաստան կամ այդպիսի Հայաստանի հնարավորություն առանց Արցախի անվտանգության ապահովման և համարում են, որ կա Հայաստանի և Արցախի անվտանգություն իրարից անջատ, որ կա ՀՀ-ի պետական սահման և Արցախի շփման գիծ, ուրեմն նա որևէ բան չի հասկանում աշխարհագրությունից ու աշխարհաքաղաքականությունից», - նշեց ՀՀ պաշտպանության նախարարը:

Նրա խոսքերով, այսօր հրամայականը մեկն է՝ ամենից առաջ և ամենից վեր հոգ տանել ՀՀ-ի անվտանգության համար, իսկ այդպիսի անվտանգության առանցքն է հանդիսանում հայկական բանակը, որը մեր անկախության և պետականության ամենամեծ երաշխիքն է:

Վիգեն Սարգսյանը նշեց, որ բանակի հանդեպ աշխարհասփյուռ հայությունը խորը հարգանք ու վստահություն ունի. «Խոնարհում և երախտագիտություն բոլորին, որոնք գիտակցեցին մեր բանակի դերն ու նշանակությունը, և այս տարիներին համեստորեն և առանց ակնկալիքի զորակոչվեցին բանակի ստեղծման և ամրապնդման գործին»,- նշեց Վիգեն Սարգսյանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: