Ձեր վստահելի աղբյուրը

Ադրբեջանա-ղարաբաղյան հակամարտությունը ոչ կրոնական է, ոչ էլ տարածքային, այլ նախևառաջ երկու տարբեր քաղաքակրթական մոտեցումների, վարքագծերի բախում է: Այսօր՝ «Հայաստան-Սփյուռք» 6-րդ համաժողովի շրջանակում արտաքին քաղաքական օրակարգին նվիրված նիստում նման համոզմունք հայտնեց Արցախի Հանրապետության արտգործնախարար Կարեն Միրզոյանը:

«Պաշտոնական Բաքուն շարունակաբար փորձում է կրոնական երանգ հաղորդել հակամարտությանը: Մահմեդական երկրների աջակցությունը ապահովելու նպատակով իսլամական գործոնի չարաշահումը հատկապես մտահոգիչ է հարևան միջերկրական և մերձարևելյան տարածաշրջանում տեղի ունեցող աշխարհաքաղաքական իրադարձությունների համատեքստում, որոնք արձագանք են ունենում մեր տարածաշրջանում ևս: Բաքվի՝ իսլամական ահաբեկիչների հետ համագործակցության արմատները գնում են 90-ականների սկիզբ, երբ ադրբեջանական զորքերի շարքերում ահաբեկչական խմբավորումների վարձկաններն էին: Նույնիսկ զինադադարից հետո Ադրբեջանը ոչ միայն չդադարեց, այլև մտավ նոր փուլ, երբ այն դարձավ տարանցիկ գոտի զենքի ապօրինի մատակարարումների և ահաբեկիչների աջակցության համար: Ադրբեջանն այսօր փորձում է իր բարքերը պատադրել այլ երկրներին՝ նրանց թելադրելով իր սեփական կանոնները, դրա համար օգտագործելով բոլոր հնարավոր միջոցները, ընդհուպ քաղաքական գործիչներին և պաշտոնյաներին կաշառելը»,-ասաց նա:

Կարեն Միրզոյանի խոսքով, պատմության ողջ ընթացքում մենք տեսել ենք փորձություններ, դիմայակել բազում մատահրավերների, այսօր էլ ժամանակակից աշխարհում գրեթե յուրաքանչյուր պահ ստիպված ենք գործ ունենալ մարտահրավերների հետ:

«Որպես մեր առջև ծառացած հիմնական մարտրահրավեր՝ մենք դիտարկում ենք ադրբեջանա-ղարաբաղյան հակամարտւթյունը և բազմիցս վերահաստատել ենք մեր անկոտրում համոզմունքը, որ այն հնարավոր է կարգավորվել բացառապես խաղաղ բանակցությունների միջոցով, միջազգային իրավունքի հիմնարար սկզբունքների, նախևառաջ ժողովուրդների ինքնորոշման իրավունքի հենքի վրա, հակամարտության կարգավորումը թույլ կտա ապահովել ոչ միայն երկու հայկական պետությունների խաղաղ և անվտանգ զարգացումը, այլև զգալիորեն կբարելավի անվտանգության մթնոլորտը ողջ տարածաշրջանում:

Ցավոք չնայած երկու հայկական պետությունների ջանքերին, որոնք իրենց աջակցությունն են ստնում միջազգային հանրության, մասնավորապես հակամարտության կարգավորմամբ զբաղվող միջնորդների կողմից, Ադրբեջանը շարունակ փորձում է հիմնահարցը լուծել հօգուտ իրեն՝ չխորշելով ռազմական ճանապարհից, պարբերաբար մեծացնելով լարվածությունը, ձեռնարկելով քայլեր՝ ուղղված Արցախի մեկուսացմանը»,- նկատեց արցախցի պաշտոնյան:

Կարեն Միրզոյանի խոսքով՝ Ադրբեջանի սպառազինությունների մրցավազքը մտահոգիչ է ոչ միայն հայկական երկու պետությունների, այլև հենց տարածաշրջանի անվտանգության տեսանկյունից: «Ստեղծված պայմաններում մենք հարկադրած ենք ուշադրություն դարձնել մեր պաշտպանական համակարգի և բանակի կատարելագործմանն ու արդիականացմանը որպես տարածաշրջանում Արդբեջանի ռազմատենչ նկրտումների զսպման և կայունության ապահովման հիմնական գործոնը»,- նշեց պաշտոնյան:

Կարեն Միրզոյանը նկատեց՝ հայկական կողմերն աջակցում են համանախագահների կողմից բազմիցս հնչեցված քայլերի իրականացմանը, սակայն այդ պայմանավորվածությունները մինչ օրս չեն իրականացվում, քանի որ Ադրբեջանը հավատարիմ մնալով պայմանավորվածությունները դրժելու իր քաղաքականությանը՝ հրաժարվում է գործուն քայլեր ձեռնարկել այդ ուղղությամբ:

«Ի տարբերություն Ադրբեջանի՝ Արցախում հակամարտության խաղաղ կարգավորմանն այլընտրանք չեն տեսնում: Արցախը շարունակում է ջանքներ ներդնել տևական խաղաղություն հաստատելու նպատակով, սակայն այդ գործընթացը չի կարող միակողմանի լինել: Մեր սկզբունքային դիրքորոշումն է՝ կարգավորումը պետք է հիմնված լինի խաղաղության, իրրավահավասարության և ինքորոշման իրավունքի հարգման վրա: Հակամարտության  վերջնական կարգավորման համար անհրաժեշտ է կենտրոնացնել բոլոր ջանքերը՝ մշակելու համապատասխան մեխանիզմներ և պայմաններ երկու անկախ պետությունների՝ Արցախի և Ադրբեջանի, խաղաղ գոյակցության համար»,- ասաց արցախցի պաշտոնյան:

Նա միաժամանակհամոզմունք հայտնեց, որ Արցախի Հանրապետության   միջազգային ճանաչումը կապահովի նաև խաղաղ գործընթացի անշրջելիությունը, և պաշտոնական Բաքվի համար ուժի և ուժի սպառնալիքի կիրառման քաղաքականության անթույլատրելիության հստակ ազդանշան կդառնա:

«Անկախ մեր առջև ծառացած մարտահրավերներից՝ Արցախի Հանրապետությունը չի շեղվելու իր ընտրած ուղղուց և կշարունակի պայքարը միջազգային հանրության կողմից իր անկախությունը ճանաչելու ուղղությամբ: Մենք անցանք բոլոր հնարավոր ճգնաժամերի միջով, բայց մեկ հանձնառություն՝ դեռևս 1991 թվականից՝ դրված ճանապարհին, մնաց անփոփոխ: Անկախության 26 տարիներին Արցախի ամենամեծ ձեռքբերումն իհարկե այն է, որ չնայած բոլոր փորձություններին՝ մենք միասնական ջանքերի շնորհիվ կարողացանք կառուցել և զարգացնել ազատության, իշխանության և ժողովրդավարության գաղափարների վրա խարսխված պետականությունը՝ զարգացող տնտեսությամբ և մարտունակ բանակով, որն ի զորու է պաշտպանել աշխարհի տարբեր ծայրերում ապրող հայերի բնօրրրան Հայաստան աշխարհի անքակտելի մաս հանդիսացող Արցախը»,- ընդգծեց Կարեն Միրզոյանը:

Արցախի վարչապետը նաև հիշեցեց՝ Արցախն ապացուցել է, որ  հուսալի գործընկեր և տարածաշրջանային կարևոր գործոն է հանդիսանում: «Չնայած Ադրբեջանի՝ Արցախը մեկուսացնելու ջանքերին՝ Արցախը շարունակում է առաջընթացի այլընտրանքային ուղիներ փնտրել և հաջողություններ՝ թե ճանաչման, և թե  տարբեր երկրների հետ համագործակցությա հաստատման բնագավառում»,-ասց նա: