Ձեր վստահելի աղբյուրը

«Նախարարը հնչեցրեց այն, ինչ եղել է Մադրիդյան ձեռքբերումների ժամանակ, Կազանյան հանդիպումների, նորություն չասաց: Ասաց այն, ինչ միջազգային ասպարեզում ընդունված, առաջարկված տարբերակներից մեկն է եղել ընդամենը»,- «Եռաբլուր» զինվորական պանթեոնում  լրագրողների հետ զրույցում Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը՝ պատասխանելով  հարցին, թե վերջերս ՀՀ ԱԳ նախարար Էդվարդ Նալբանդյանը խոսել է տարածքների վերադարձի հնարավորության մասին, ասել է, որ խոսքն այն տարածքների մասին է, որոնք Հայաստանի, Արցախի անվտանգությանը սպառնալիք չեն ներկայացնում, այդ ի՞նչ տարածքներ են:

Պարգև սրբազանի կարծիքով, մտահոգվելու կարիք չկա:

«Չեմ կարծում, որ գործը կհասնի նրան, որ մենք տարածք կհանձնենք: Ես չեմ կարծում»,- ասաց Արցախի թեմի առաջնորդը՝ միաժամանակ ընդգծելով, որ առանց Արցախի ժողովրդի որոշման ոչինչ չի կարող տեղի ունենալ: