Ձեր վստահելի աղբյուրը

Սիրիայի Հալեպ քաղաքում շարունակվում են վերականգնողական աշխատանքները:
«Արևելք»-ը, հղում անելով Հալեպի քաղաքային խորհրդի ֆեյսբուքյան էջին, գրում է, որ  խորհուրդը, համագործակցելով զբոսաշրջության վարչության հետ, ձեռնարկել է քաղաքի հայտնի «Խան Ալ-Շունէ» շուկայի մաքրման և վերականգնման աշխատանքները: Հեռացվում են հողակույտները, աղբը, փլատակները, վերացվում են պատերազմի թողած բոլոր հետքերը:

Հալեպի զբոսաշրջային վարչությունը նախատեսում է «Խան Ալ-Շունէ»-ում ավանդական արհեստներին նվիրված միջոցառումներ կազմակերպել, չնյայած հասված մեծ վնասին:

«Խան Ալ-Շունէ»-ը Հին Հալեպի շուկաներից մեկն է, որը գտնվում է Հալեպի բերդի մոտակայքում: Զբոսաշրջության նախարարություն այն օգտագործում էր որպես ավանդական արհեստների և ձեռագործ արվեստի կենտրոն-շուկա:

Վերականգնողական աշխատաքներ են իրականացվում նաև Հալեպի Սեպիլ թաղամասում գտնվող «Սէպիլի պարտէզ»-ում («Հատիքէթ Ալ-Սէպիլ»): Հինգ տարվա դադարից հետո արդեն սկսել է գործել այգու օձաձև ավազանը: