ԵԱՀԿ Մինսկի խումբը վաղուց չի զբաղվում հակամարտության կարգավորմամբ. քաղաքագետ
Կովկասի ինստիտուտի ղեկավար, քաղաքագետ Ալեքսանդր Իսկանդարյանն այսօր կայացած մամուլի ասուլիսի ժամանակ մեկ անգամ ևս կրկնեց՝ Ղարաբաղյան հակամարտության կարգավորման գործընթացից լուրջ փոփոխություներ չարժե սպասել:
«ԵԱՀԿ Մինսկի խումբը հակամարտության կարգավորմամբ վաղուց չի զբաղվում, այլ զբաղվում է միայն սահմանին բռնությունների զսպումով: Մոնիտորների, վերահսկման մեխանիզմների մասին խոսակցությունները միտված են հենց բռնությունների զսպմանը, ոչ թե բուն կարգավորմանը: Անցած տարվա համեմատ՝ բռնությունների մակարդակը նվազել է, սակայն դժվար է ասել՝ արդյոք նոր ռազմական գործողություններ չեն լինի»,- ընդգծեց բանախոսը:
Ինչ վերաբերում է բանակցությունների բուն ընթացքին, ապա, քաղաքագետի համոզմամբ, այն պետք է պահպանել, քանի որ այդպես է անհրաժեշտ. «Ընդամենը պետք է ցույց տալ, որ կարգավորման գործընթացը շարունակվում է: Կարծում եմ՝ Հայաստանի և Ադրբեջանի նախագահների միջև վաղ թե ուշ հանդիպում տեղի կունենա, սակայն այն արդյուքի չի հանգեցնի»:
Խոսելով Արցախի ԱԳ նախարար Կարեն Միրզոյանի պաշտոնանկության մասին՝ բանախոսը նշեց՝ սա իրավիճակային լուծում չէր, փոփոխության հնարավորության մասին խոսվում էր վաղուց:
Անդրադառնալով օրերս տեղի ունեցած Հայաստան-Սփյուռք 2017 համաժողովին՝ Ալեքսանդր Իսկանդարյանը տեսակետ հայտնեց, որ դրա նպատակը զուտ հանդիպում կազմակերպելն էր. «Մարդիկ, ովքեր գտնվում էին համաժողովի դահլիճում, Սփյուռքի չնչին մասն էին կազմում: Այդքան տարբեր մարդկանց հավաքել մեկ վայրում և միասնական աշխատանք իրականացնել իսկապես շատ դժվար է»։
Լրագրողները քաղաքագետից հետաքրքրվեցին՝ կիսո՞ւմ է Թուրքիայի մեջլիսի հայազգի պատգամավոր Կարո Փայլանի այն գաղափարը, որ հայ-թուրքական նոր արձանագրություններ են անհրաժեշտ: Իսկանդարյանն ի պատասխան ասաց՝ Փայլանն այն գործիչը չէ, ով կարող է հայ-թուրքական փաստաթղթերի հարցերով որոշումներ կայացնել:
«Նա Թուրքիայի խորհրդարանի սովորական պատգամավոր չէ, այլ հայ՝ միաժամանակ էլ ընդդիմադիր»,- հավելեց Ալեքսանդր Իսկանդարյանը:
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
