Ձեր վստահելի աղբյուրը

The Guardian-ի քննադատները ներկայացրել են 90-ականների լավագույն ֆիլմերը: Ինչպես գրում է Լենտա.ռու-ն, հարցմանը մասնակցել են հինգ փորձագետներ, որոնցից յուրաքանչյուրը անվանել է մեկ սիրված ֆիլմի անուն: 

Այսպիսով, 90-ականների լավագույն ֆիլմ է ճանաչվել ամերիկացի հայտնի ռեժիսոր  Քվենտին Տարանտինոյի «Քրեական ընթերցվածք» ֆիլմը: Այն նկարահանվել է  1994 թվականին, ներկայացնում է քրեական դրամայի և կատակերգության ժանրերը։ «Քրեական ընթերցվածքը» մեծ ազդեցություն է ունեցել 90-ականներին նկարահանված ֆիլմերի վրա և դարձել է ֆիլմ-լեգենդ։

Լավագույն ֆիլմ է ճանաչվել  նաև 1996 թվականին նկարահանված «Ռոմեո և Ջուլիետ»-ը:   Ուիլյամ Շեքսպիրի համանուն պիեսի հիման վրա նկարահանված ֆիլմի գլխավոր դերակատարներն են Լեոնարդո  Դի Կապրիոն և Քլեր Դեյնսը, ֆիլմի ռեժիսորը Բազ Լուրմանն է:

Քննադատներից  մեկի գնահատմամբ՝   90-ականների ամենահաջող նախագիծ համարվել է ամերիկացի կինոռեժիսոր Պոլ Թոմաս Անդերսոնի  «Մագնոլիա» ֆիլմը: 1999 թ-ին էկրաններին հայտնված ֆիլմում նկարահանվել են Թոմ Քրուզը, Ջուլիաննա Մուրը և Ֆիլիպ Սեյմուր Հոֆմանը:

Հաջորդ ֆիլմը  1997 թ-ին նկարահանված «Gummo» ֆիլմն է, որը  Հարմոնի Կորինի ռեժիսորական դեբյուտն է:

Քննադատներից  մեկի համար էլ 90-ականների վառ դրամաներից մեկը «Լինելով Ջոն Մալկովիչ» -ն է, որը նկարահանվել է 1999 թվականին:  Սցենարի հեղինակը Չարլի Կաուֆմանն է: