Ձեր վստահելի աղբյուրը

«Ռազմարդյունաբերության զարգացումն այս տարվա շատ կարևոր ուղղություններից մեկն էր: Այս տարի մարտական ծառայության մեջ ամբողջությամբ ներդրել ենք Հայաստանում մշակված և արտադրված միջոցներ, որոնք չափազանց կարևոր են մարտական հերթապահության արդյունավետ իրականացման տեսակետից»,- լրագրողների հետ հանդիպմանն ասաց ՀՀ պաշտպանության նախարար Վիգեն Սարգսյանը՝ ամփոփելով պաշտոնավարման մեկ տարին:

Նա նշեց, որ այնպիսի միջոցներ են, որոնք ոչ միայն գնային առումով առավելություն են տալիս այստեղ արտադրված լինելու տեսակետից, այլ նաև շուկայում չունեն իրենց անալոգները:

«Կարծում եմ՝ դա նաև առաջին քայլն է դեպի մեր հիմնական նպատակ՝ ռազմական արդյունաբերությունը մեր տնտեսության կարևորագույն շարժիչներից մեկի վերածելու գաղափարը՝ արտահանում կոնցեպտի վրա ուշադրության դարձնելով»,- ասաց նախարարը՝ կարծիք հայտնելով, որ այդ տիպի մշակումներով շատ արագ հնարավորություն են ունենալու միջազգային շուկաներում  հետաքրքիր դառնալու որպես ոչ միայն զենք, զինամթերք  ներկրող երկիր, այլ նաև բարձր տեխնոլոգիաներով մշակված և ստեղծված միջոցների արտահանող երկիր: 

Վ. Սարգսյանի խոսքով, սա շատ  կարևոր է և գիտական ներուժի լիարժեք օգտագործման, և ռազմարդյունաբերության զարգացման համար առհասարակ: