Ձեր վստահելի աղբյուրը

ԱԺ հայտարարությունների ժամին իր ելույթի ժամանակ «Ելք» խմբակցության պատգամավոր Մանե Թանդիլյանը հայտարարեց, որ Դուրս գալով ԵԱՏՄ-ից՝ ՀՀ-ն կկարողանա լիարժեք ավարտին հասցնել տարիներ ի վեր բանակցած և կիաստ մնացած ԵՄ ասոցացման համաձայնագիրը։

«Այն հայկական ապրանքների և ծառայությունների արտահանման համար պատուհան կբացի դեպի եվրոպական վճարունակ շուկա, ճանապարհ կբացի և կտա բազմաթիվ այլ առավելություններ։ Ընդ որում արդեն անհերքելի է, որ ԵՄ շուկայում գործող կանոններն ու գործարար մշակույթն ավելի լիբերալ են և արդարացի»,- ասաց պատգամավորը։

Թանդիլյանի խոսքով՝ ազատ առևտրի մասին համաձայնագրով նախատեսվում էր ՀՀ և ԵՄ ապրանքների համար մաքսատուրքերի զրոյացում և ընթացակարգերի պարզեցում. «Ըստ կատարած ուսումնասիրությունների՝ մի քանի տարի անց Հայաստանի ՀՆԱ-ն կաճեր 2.3 տոկսով, պետբյուջեի եկամուտները՝ 146 մլն դոլարով, արտահանման ծավալները՝ 15 տոկսով,  աշխատավարձերը՝ 2.7 տոկոսով, բարձր որակավորմամբ աշխատատեղի քանակը կավելանար 7 տոկոսով, իսկ աղքատությունն էականորեն կկրճատվեր»։

Պատգամավորի ելույթի մանրամասները՝ տեսանյությում։