![](https://panorama.am/news_images/616/1845399_1/55.thumb.jpg)
Ստեփան Սարգսյանի անվան միջազգային մրցաշարին կմասնակցեն ավելի քան 100 ազատ ոճի ըմբիշներ
Հոկտեմբերի 6-8-ը Վանաձորում կկայանա Սեուլի օլիմպիական խաղերի արծաթե մեդալակիր, Եվրոպայի չեմպիոն Ստեփան Սարգսյանի անվան ազատ ոճի ըմբշամարտի 22-րդ միջազգային մրցաշարը:
Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը ՀԱՕԿ լրատվականին տեղեկացրել է, որ մրցաշարին մասնակցելու են Հայաստանի, Ռուսաստանի, Ուկրաինայի, Իրանի, Վրաստանի և Բուլղարիայի ըմբիշները։
«Այս տարի մրցաշարն անցկացվում է աշխարհի առաջնությունից հետո, այդ պատճառով համեմատաբար քիչ թիմեր են հայտավորված: Հնարավոր է՝ վերջին պահին ևս մի քանի երկրներ ավելանան:
Հայաստանը կներկայացնի մոտ 55 ըմբիշ, այդ թվում հավաքականի տղաները, բացառությամբ Գևորգի Կետոևի ու Լևան Բերիանիձեի: Ընդհանուր առմամբ մրցաշարին կմասնակցեն ավելի քան 100 ըմբիշներ»,- ասաց Արայիկ Բաղդադյանը:
Ֆեդերացիայի գլխավոր քարտուղարի խոսքով՝ մրցաշարի անցկացման հիմնական նպատակը Հայաստանում ըմբշամարտի զարգացումն է.
«Այս տարի ևս մրցաշարը կկայանա Վանաձորում: Ցանկանում ենք Հայաստանում մեծացնել ըմբշամարտի աշխարհագրությունը: Վանաձորի երեխաների համար սա լրացուցիչ խթան է այս մարզաձևով զբաղվելու համար»,- նշեց Արայիկ Բաղդադյանը:
Մրցանակային տեղեր զբաղեցրած ըմբիշները կստանան դրամական պարգևներ:
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)