Ձեր վստահելի աղբյուրը

«Հայ-թուրքական արձանագրությունները շատ թանկ գնով վաճառվեցին Ադրբեջանին: Թուրքիան ունեցավ նյութական ու ոչ նյութական լուրջ ձեռքբերումներ»,-լրագրողների հետ հանդիպմանը նման կարծիք հայտնեց արևելագետ, Սիրիայում Հայաստանի նախկին դեսպան Դավիթ Հովհաննիսյանը:

Նրա խոսքով, արձանագրությունները ստորագրելիս Թուրքիան առաջնորդվել է հստակ հաշվարկով ու դրա արդյունքում շատ բան է շահել:

«Հաշվի առեք, որ այս գործընթացն առկախված է, ինչը հնարավորություն է տալիո, որ հայ-թուրքական հարաբերությունները դարձնի ոչ հայ-թուրքական հարաբերություններ, այլ թուրք-ամերիկյան, թուրք-ռուսական, թուրք-եվրոպական»,-ասաց արևելագետը:

Դ. Հովհաննիսյանի հաոզմամբ, Հայաստանի ու Թուրքիայի միջև հարաբերությունները հնարավոր կլինի կարգավորել այն ժամանակ, երբ երկու երկրների ղեկավար ուժերը գան սկզբունքային որոշման:

«Դրանից հետո նոր գալիս են այլ երկրների շահերը, որոնք կարող են ինչ-որ պահի որոշիչ դեր կատարել, բայց  առաջնայինը Թուրքիայի ու Հայաստանի որոշումներն են»,-կարծիք հայտնեց բանախոսը: