Ձեր վստահելի աղբյուրը

Նախօրեին Ժնևում կայացած Հայաստանի և Ադրբեջանի նախագահների հանդիպումը բոլոր դեպքերում լավ է, որ տեղի ունեցավ: «Սարգսյան Ալիև ժնևյան հանդիպում. գնահատականներ ու կանխատեսումներ»  թեմայով քննարկմանն ասաց «Այլընտրանքային նախագծեր խմբի» անդամ Ստեփան Մարգարյանը:

Նա վստահ է, որ հանդիպմանը քննարկվել է անվտանգության հարց, որոշակի ինչ-որ պայմանավորվածություններ  գուցե ձեռք են բերվել, որի մասին չի հայտարարվում: 

«Ես կարծում եմ, որ այս հարցի լուծումն  այլ կոնտեքստում պետք է մենք փնտրենք: Բանակցություններում մեր տեսակետը պարզ է, Ադրբեջանինը պարզ է, լուծման ուղիները, կարծում եմ, պետք է արդեն որոշակի այլ տեղերում փնտրել»,- հավելեց Ս. Մարգարյանը: 

«Այլընտրանքային նախագծեր խմբի» անդամի խոսքով, Ադրբեջանին ձեռք է տալիս ստատուս-քվոն ինչ-որ ձևով փոխվի, Հայաստանին առայժմ դա ձեռք չի տալիս, ամբողջ քննարկումները գնում են դրա շուրջ:

«Ալիևի կողմից Վիեննայի, Սանկտ-Պետերբուրգի պայմանավորվածությունները չկատարելը, վստահ եմ, նորից ուղղված է սրան: Եթե մոնիտորինգային գործընթաց սկսվի, այդ դեպքում, ըստ Ադրբեջանի, շարունավում է  պահպանվել ստատուս քվոն ի օգուտ Հայաստանի: Նրանց տեսակետից հետևյալն է՝ արագ լուծում տանք,  կամ մենք չեն համաձայնվի որևէ մոնիտորինգի, որևէ ստատուս քվոյի պահպանման»,- ասաց Ս. Մարգարյանը: