Ձեր վստահելի աղբյուրը

Վիճակագրության համաձայն, աշխարհում 815 միլիոն մարդ սոված է: Մինչև հինգ տարեկան 155 մլն երեխա թերաճ է, 52 մլնը տառապում է ջրի բացակայությունից: Այս թվերն բնութագրում են առաջին հերթին Ասիայի ու Աֆրիկայի աղքատ երկրները: Սակայն բարեկեցիկ երկրների բնակիչներն էլ իրենց խնդիրներն ունեն:  ՄԱԿ-ի պարենի և գյուղատնտեսության կազմակերպության փորձագետները լրջորեն ահազանգում են սակավարյունության այդ հիվանդությամբ տառապում է 613 մլն կին, և ճարպակալման  տարածվածության մասին, որով տառապում է աշխարհի չափահաս բնակչության 13 տոկոսը:

Հիմա երկրագունդը կանգնած է աղքատության ավելացման առաջ, անցած տարվա ընթացքում սոված բնակչության թիվն ավելացել է 38 մլն-ով: Դա պայմանավորված է զինված հակամարտություններով ու կլիմայի փոփոխությամբ:

Գլոբալ շուկայում առկա իրավիճակը գնալով բարդանում է գների՝ անընդհատ աճի հետևանքով: ՄԱԿ-ի փորձագետների տվյալներով, ամսական այն ավելացել է 0.8 տոկոսով, իսկ տարեկան՝ 4.3 տոկոսով: Փորձագետները թանկացումը պայմանավորում են կարագի ու կաթնամթերքի գների կտրուկ բարձրացմամբ:

«Մոսկովսկիյ կոմսոմելեց»-ը գրում է, որ  այս պայմաններում փորձագետները խստորեն քննադատում են Ռուսաստանին, որն արդեմն երեք տարի սննդամթերքի նկատմամբ էմբարգո է կիրառում: Նրանք համարում են, որ արգելքի հետևանքով մրցակցություն չի լինում, ինչը հանգեցնում է ոչ միայն գների բարձրացմանը, այլև սննդամթերքի որակազրկմանը: Բացի այդ, 2015-ից ի վեր վերահսոկղական մարմինները 11 հազար տոննա սննդամթերք են ոչնչացրել, որոնց ներմուծումը Ռուսաստան արգելված էր:  Ընդ որում, բուլդոզերները ոչնչացրել են այնպիսի ուտելիք, որը ոչ կեղծ էր, ոչ փչացած: Նրա մեղքն ընդամենը արտադրող երկիրն է եղել:

Ըստ աղբյուրի, ոչնչացրած սնունդը կարող էր լուծել սոված մարդկանց մի մասի խնդիրը: Հաշվի առնելով, որ մարդն օրական օգտագործում է 2-2.5 կգ սնունդ, այն լիովին կբականացնի 5-6 մլն սոված մարդու կշտացնելու համար: