Ձեր վստահելի աղբյուրը

Աղբավայրերի խնդիրը լուծելու նպատակով կառավարությունն այսօր փորձում է աղբավերամշակման գործարան կառուցել Երևանի մերձակայքում, որտեղ կարող է տեղափոխվել հանրապետության աղբի  2/3-րդը, շուրջ հազար և ավելի տոննա օրական, որը նաև էլէկտրաէներգիա կարտադրի: Այս մասին հայտնել է ՀՀ տարածքային կառավարման և զարգացման նախարար Դավիթ Լոքյանը՝ համապետական երրորդ շաբաթօրյակի շրջանակներում Արարատի և Արմավիրի մարզեր կատարած այցի ընթացքում լրագրողների հետ զրույցում։

Տարածքային կառավարման և զարգացման նախարարության հասարակայնության հետ կապերի բաժնի փոխանցմամբ՝ նախարարը նշել է, որ իրենք արդեն 3-4 գործընկեր ունեն ԱՄՆ–ից, Չեխիայից, Լիբանանից, որոնց հետ ակտիվ քննարկում ենք այս հարցերը»,-ասել է նախարարը:

«Շատ ցավալի է, որ մի ժողովուրդ, ով ունի այդչափ հարուստ քաղաքակրթական պատմություն շատ հեշտությամբ շիշը նետում է ճանապարհին, ինչի ականատես ենք լինում ամեն օր: Մեր  քաղաքացիները դեռևս չեն ձևավորել իրենց մտածելակերպը մաքուր բնություն ունենալու, մաքուր միջավայրում ապրելու խնդիրներում:  Ես կարծում եմ, որ մենք աստիճանաբար անցնելու ենք մի վիճակի, երբ այլևս չենք էլ հայտարարելու, որ համապետական շաբաթօրյակ ենք կազմակերպում, և տեղերում համայնքները, բնակիչները ավտոմատ իրենք են սկսելու այս պրոցեսը:

«Մաքուր Հայաստան»-ի ճանապարհին մենք արժանապատվության խնդիր պետք է դնենք մեր առջև»,- ասել է նախարար Լոքյանը: