«Պաշտպանության մասին» օրենքի նախագիծը կներառվի ԱԺ մեծ օրակարգ

Քաղաքական 13:58 23/10/2017 Հայաստան

ԱԺ պաշտպանության և անվտանգության հարցերի մշտական հանձնաժողովը կողմ քվեարկեց «Պաշտպանության մասին» օրենքի նախագծին, որը լրամշակված տեսքով կներկայացվի ԱԺ խորհրդի նիստ և ԱԺ մեծ օրակարգ:

Հանձնաժողովի նիստին պատգամավորների կողմից ներկայացված մի շարք առաջարկություններ, ընդգրկվեցին օրենքի նախագծում կամ հակառակը, մերժվեցին:

ՀՀ պաշտպանության նախարար Վիգեն Սարգսյանը նշեց, որ մոտակա ժամերին դրանք կներառվեն օրենքի նախագծում և կներկայացվեն ԱԺ խորհրդի նիստին:

Հանձնաժողովն անցավ օրակարգի հաջորդ հարցին, և քննարկման ներկայացվեց «Զինվորական ծառայության և զինծառայողի կարգավիճակի մասին օրենքի նախագիծը»:

Հիմնական զեկուցող Վիգեն Սարգսյանը նշեց, որ օրենքի նախագծի ընդունմամբ ակնկալվում է ապահովել ՀՀ զինված պաշտպանության արդյունավետությունը, բարձրացնել քաղաքացիների վստահությունը պարտադիր զինվորական ծառայության նկատմամբ, քաղաքացիների մոտ խթանել պարտադիր և պայմանագրային զինվորական ծառայություն անցնելու դրսևորումը, ինչպես նաև նպաստել «Ազգ-Բանակ» գաղափարախոսության ամբողջական իրացմանը:

Նախարարը տեղեկացրեց, որ օրինագծով սահմանվում են պարտադիր և պայմանագրային զինվորական ծառայության կազմակերպման և իրականացման, պարտադիր զինվորական ծառայությանը նախապատրաստման, զինապարտների առողջական վիճակի հետազոտման և բժշկական փորձաքննության, պարտադիր զինվորական ծառայությունից ազատումների և տարկետումների, զինծառայողներին պաշտոնի նշանակման և ազատման, զինվորական կոչումների շնորհման, զինվորական ծառայությունից արձակելու և այլ հարաբերությունները, պահեստազորում հաշվառման կարգը, պահեստազորային պատրաստության շրջանակներում իրականացվող միջոցառումները և դրանցում քաղաքացիներին ներգրավվելու ընթացակարգերը, զինծառայողների, նրանց ընտանիքների անդամների և նրանց հավասարեցված անձանց իրավական և սոցիալական երաշխիքները:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: