Ձեր վստահելի աղբյուրը

Այսօր տեղի է  ունեցել Հայաստանի ֆուտբոլի ֆեդերացիայի կարգապահական կոմիտեի հերթական նիստը` ՀՖՖ Կարգապահական կոմիտեի նախագահ Ռուբեն Սինոյանի նախագահությամբ:

Հայաստանի ֆուտբոլի ֆեդերացիայի կայքից տեղեկանում ենք, որ նիստի արձանագրության համաձայն հոկտեմբերի 29-ին «Շիրակ»-«Ալաշկերտ» խաղից հետո տեղի ունեցած միջադեպի  հետ կապված ընդունվել են հետևյալ որոշումները՝

«Շիրակ» թիմի ադմինիստրատոր Սուրեն Սիմոնյանին (N 559) մրցակցի մարզչին հարվածելու համար, ՀՖՖ-ի կարգապահական կանոնակարգի 15-րդ հոդվածի 10-րդ կետի համաձայն` որակազրկել 5 խաղով, «Շիրակ» ֆուտբոլային ակումբին տուգանել 150000 դրամ:

«Շիրակ» թիմին մարզադաշտում կարգուկանոն չապահովելու համար, ՀՖՖ-ի կարգապահական կանոնակարգի 15-րդ հոդվածի 15-րդ կետի համաձայն` մեկ խաղ անցկացնել առանց հանդիսատեսի, «Շիրակ» ֆուտբոլային ակումբին տուգանել 150000 դրամ:

«Ալաշկերտ» թիմի գլխավոր մարզիչ Աբրահամ Խաշմանյանին (N 1023) անվայել պահվածքի (3-րդ դեպք) համար, ՀՖՖ-ի կարգապահական կանոնակարգի 15-րդ հոդվածի 17-րդ կետի համաձայն` որակազրկել 10 խաղով, «Ալաշկերտ» ֆուտբոլային ակումբին տուգանել 200000 դրամ