Ձեր վստահելի աղբյուրը

ԵՄ-ի հետ համաձայնագրում Մեծամորի ԱԷԿ-ի փակման մասին կետ չկա։ Այս մասին հայտարարել է նախագահ Սերժ Սարգսյանը «Риа Новости» գործակալությանը տված հարցազրույցում:

Հարցին՝ ինչպես հայտնի է՝ ԵՄ-ի Համապարփակ և ընդլայնված գործընկերության համաձայնագրի մեջ կետ կա,  որը նախատեսում է Մեծամորի ատոմակայանի փակում։ Դա տեղի է ունեցել հայ-ռուսական  ատոմակայանի արդիականացման պայմանագրի ժամկետը լրանալուց  հետո, թե՝ ավելի վաղ, Սերժ Սարգսյանը պատասխանել է.

«Այդ քննարկումները արհեստականորեն են շրջանառվում և իրականության հետ ոչ մի կապ չունեն։  ԵՄ-ի հետ համաձայնագրի նախագծում այս պարբերությունը ձևակերպվել է լռելյայն (նկատի ունենալով Մեծամորի ԱԷԿ-ի շահագործման օբյեկտիվ ժամկետը): 2014թ Հայաստանի կառավարությունը որոշել է ԱԷԿ-ի շահագործման ժամկետը երկարաձգել։ ԱԷԿ-ի շահագործման  ժամկետի երկարաձգման ֆինանսավորումը իրականացվելու է  ռուսական պետական արտահանման՝ 270 միլիոն դոլար վարկի և 30 միլիոն դոլար դրամաշնորհի հաշվին։ Ներկա պահին «Ռոսատոմ» պետական կորպորացիայի հետ շարունակվում  են աշխատանքները ԱԷԿ-ի երկրորդ էներգաբլոկի շահագործման ժամկետի երկարացման ծրագրի իրականացման վերաբերյալ: Կարևոր է  նշել, որ  ԱԷԿ-ը գործում է ՄԱԳԱՏԷ-ի չափանիշներին համապատասխան, և դա միջազգային մասնագիտացված գործակալությունների եզրակացությունն է։ Միջոցառումներ են  ձեռնարկվում  ծրագրի և գործառնական անվտանգության բարձրացման, ինչպես նաև արդիականացման ուղղությամբ։  Այնպես որ, Մեծամորի ԱԷԿ-ն առնվազն մինչև 2027թ կգործի։ Մենք  կարծում ենք, որ մեր անվտանգության համար, առաջին հերթին էներգետիկ, ատոմային էներգետիկան միշտ առկա լինի Հայաստանում»։

Հարցին՝ այսինքն նոյեմբերին ԵՄ-ի հետ համաձայնագրի կնքումից հետո, դրա փակման մասին խոսք անգամ գնալ չի կարող, ՀՀ նախագահը պատասխանել է. «Ոչ։ Համաձայնագրի մեջ նման կետ չկա»։