Ձեր վստահելի աղբյուրը

Կենտրոնական ընտրական հանձնաժողովը հրապարակել է ՏԻՄ ընտրությունների նախնական արդյունքները:

Ըստ այդմ, Տավուշի մարզի խոշորացված Բերդ քաղաքում առավել շատ ձայներ ստացել է ինքնաառաջադրված ՀՀԿ-ական Հարություն Մանուչարյանը: Նրա օգտին քվեարկել է 7 089 մարդ: Նա Բերդի քաղաքապետն էր:

Վայոց Ձորի մարզում խոշորացված Եղեգիսում հաղթանակ է տարել ՀՀԿ կողմից առաջադրված Տիգրան Խուդոյանը: Նա Շատին համայնքի ղեկավարն էր:

Սիսիանում 1922 մարդ քվեարկել է ԲՀԿ կողմից առաջադրված  Կարեն Համբարձումյանի օգտին: Հիշեցնենք, որ ընտրություններից մի քանի օր առաջ հայտնի դարձավ, որ նա հրաժարվել է պայքարից: Այստեղ էլ ՀՀԿ-ական թեկնածուն է հաղթել. Գործող քաղաքապետ Արթուր Սարգսյանի օգտին քվեարկել է 10. 457 մարդ:

Գորիսում ինքնաառաջադրված թեկնածու Սամվել Հարությունյանը ստացել է 56 ձայն: Նրա մրցակից ՀՀԿ-ական  Առուշ Առուշանյանի օգտին քվեարկել է 12.945 ընտրող:

Շիրակի մարզի խոշորացված Անի համայնքում հաղթել է Մարալիկի նախկին քաղաքապետ Արտակ Գևորգյանը: Նրան առաջադրել էր ՀՀԿ-ն:

Ախուրյանում, որտեղ ՀՀԿ-ն թեկնածու չուներ, հաղթել է դաշնակացական թեկնածուն: Ինքնաառաջադրված Արծրունի Իգիթյանը, ով Ախուրյանի համայնքապետն էր, հաղթել է՝  ստանալով 2393 ձայն: ԲՀԿ առաջադրած թեկնածուն՝  Կարեն Մեգոյանը ստացել է 1512 ձայն:

Լոռու մարզի Օձուն համայնքում կին թեկնածուն՝ Դոնարա Հախինյանը պարտվել է՝ ստանալով 64 ձայն: Հաղթել է գործող համայնքապետ Արսեն Տիտանյանը՝ ստանալով 1885 ձայն: Նրա մյուս մրցակիցը՝  անկուսակցական Բարսեղ Այվազյանը ստացել է 1852 ձայն:

Շիրակամուտում անկուսակցական Աշոտ Երանոսյանը հաղթել է ՀՀԿ-ական Արկադի Երանոսյանին՝ ստանալով ավել 28 ձայն: