Ձեր վստահելի աղբյուրը

The New York Times պարբերականը հրապարակել է Հայոց ցեղասպանության վերաբերյալ փաստագրական ֆիլմի՝ «Intent to Destroy» կարճ ակնարկը։

«Ճանաչված փաստ ընդունելու փոխարեն այն սադրանքների համար թեմա է դարձել, քանի որ Թուրքիայի կառավարությունը շարունակում է արհամարհել, կամ ժխտել  այդ օրերի իրադարձությունները։

Ռեժիսոր Ջո Բերլինգերը ֆիլմը նկարահանելիս օգտագործել է Հայոց ցեղասպանությունը վերապրածների հին տեսանյութերը և հանցագործությունների վերաբերյալ պատմաբանների կարծիքները»,-նշված է հոդվածում։

Պարբերականը նշում է, որ Թուրքիայի կառավարությունը Ջո Բերլինգերի կինոստուդիայի վրա ճնշումներ է գործադրել։

«Հիմնականում, «Intent to Destroy» ֆիլմը կոչ է անում հիշել զոհերին, և հանուն նրանց, և հանուն մեզ։

Եթե դուք ցանկանում եք իմանալ Հարավսլավիայի, եթե դու ցանկանում եք իմանալ Ռուանդայի և այսօր տեղի ունեցող այլ զանգվածային վայրագությունների մասին, ապա դուք պետք է ուսումնասիրեք  Հայոց ցեղասպանությունը»,-նշված է  հոդվածում։

Փաստագրական ֆիլմի վերջում մի գիտնական նշել է. «Պատմությունն անցյալում  չէ»»։