Ձեր վստահելի աղբյուրը

«Մենք հացադուլը չենք դադարեցրել, ուղղակի գնում ենք Բաղրամյան»,-այս մասին ֆեյսբուքյան իր էջում գրել է «Հանուն գիտության զարգացման» նախաձեռնության անդամ Դավիթ Պետրոսյանը:
Նշենք, որ նախաձեռնության անդամ Վահան Կոստանյանը կոչ արեց հացադուլ հայտարարած ընկերներին դադարեցնել հացադուլը և միանալ բողոքի ակցիային:

«Առաջիկա անելիքների մասին պետք է թիմային որոշում լինի: Նրանց հետ պետք է քննարկենք անելիքները: Կարծում եմ, այս պահին հացադուլը պակաս կարևոր է, քան հասկանալը, թե մարդկանց անվտանգության հարցը ոնց պետք է լուծենք: Հիմա Դավիթին, Յուրային, Գեղամին ու Հարություն կոչ եմ անում անհապաղ դադարեցնել հացադուլը: Մենք բոլորս գնահատում ենք այդ քայլը, որ արել են: Հիմա նրանք մեզ այստեղ են պետք»,-ասաց նա:

Հիշեցնենք, որ Դավիթն ու չորս ընկերները հացադուլ էին հայտարարել երեկվանից: Նրանցից մեկի առողջական վիճակը վատացել էր: