Ձեր վստահելի աղբյուրը

ԼՂ հակամարտության կարգավորման հարցում լուրջ ճնշում է գործադրվում Բաքվի վրա, որպեսզի  առաջընթաց գրանցվի։ Այս մասին հայտարարել է ՌԳԱ Արևելագիտության ինստիտուտի Կենտրոնական Ասիայի, Կովկասի ուսումնասիրման կենտրոնի աշխատանքային խմբի համակարգող Ալեքսանդր Սկակովը «Ռիա Նովոստ»-ի լրատվական գործակալության հետ զրույցում: 

«Ես չեմ կարծում, որ դա հիմա կլինի։  Հարցն այն է, որ նման ճնշումները տեղի են ունենում  Ռուսատանի կողմից։  Սակայն  որպեսզի այն հաջողված լինի,  ցանկալի կլիներ, որ այն նաև լիներ ԵՄ-ի կողմից, որը ներկայացված է Մինսկի խմբում Ֆրանսիայի և ԱՄՆ-ի կողմից։

Երբ Բաքվի վրա համակարգված ճնշում գործադրվի, ես կարծում եմ,  որ Բաքուն կգնա փոխզիջումների և զիջումների։  Չնայած փոխզիջումների և զիջումների պետք է գնան երկու կողմերն էլ, սակայն Բաքվի կողմից պետք է լինեն լուրջ զիջումներ»,-նշել է վերջինս։

Գործակալության հետ զրույցում ռուսաստանցի քաղաքագետ Ալեքսանդր Կարավաևն  էլ իր հերթին նշել է, որ  շատ հաճախ Հայաստանի և Ռուսաստանի նախագահները հանդիպում են Ռուսաստանի և Թուրքիայի նախագահների հանդիպումից հետո։

«Սա ևս մեկ անգամ հիմք է տալիս խոսելու, որ այդ թեման կարող է  բացահայտվել։  Սակայն թե որ ձևով, որ կարգավորման մեխանիզմին են  հակված կողմերը և արդյո՞ք քննարկել են նրանք  կարգավորման մեխանիզմների սկզբունքները կամ  հակամարտող կողմերի միջև փոխհարաբերությունները, դա մենք չգիտենք։  Դրա համար որևէ ենթադրություն անելը դժվար է։

Միանշանակ և Երևանում, և Բաքվում այդ հանդիպումից որևէ արդյունք են ակնկալում։  Դրանք արդարացված  ակնկալիքներ  են, սակայն միտ չէ որ դրանք ակնկալիքների հարթությունից դեպի որոշակի իրական քաղաքականության հարթություն են անցնում»,-նշել է վերջինս։