Ձեր վստահելի աղբյուրը

Բուքմեյքերական ընկերություններն ու խաղատները կարող են տուգանվել խոշոր գումարով, եթե անչափահասների կողմից խաղադրույքներ ընդունեն: Այս մասին իր ֆեյսբուքյան էջում հայտնել է ՀՀ ԱԺ ՀՀԿ խմբակցության պատգամավոր Սամվել Ֆարմանյանը։

«ԱԺ-ի բոլոր խմբակցությունները ներկայացնող իմ գործընկերների հետ համահեղինակությամբ,  շրջանառության մեջ դրեցի «Վիճակախաղերի մասին» և «Շահումով խաղերի.... մասին» օրենքներում փոփոխությունների մի նախագիծ, որի պարզ տրամաբանությունը հետևյալն է.

Եթե մինչև 18 տարեկան, իսկ որոշ դեպքերում 21 տարեկան քաղաքացիներին բուքմեյքերական գրասենյակները, խաղատները և այլն, թույլատրում են կատարել խաղադրույք, կամ մասնակցել այլ շահումով խաղի, տուգանվում են առաջին անգամ 2 մլն դրամով, 2-րդ անգամ տուգանքը կազմում է 5 մլն. դրամ, 3-րդ անգամ՝ 10 մլն. դրամ, իսկ 4-րդ անգամ կրկնվելու պարագայում՝ դադարեցվում է տրամադրված լիցենզիան:

Կարծում եմ՝ նման կոշտ տուգանքների համար հիմնավորումների կարիք չկա: Գործող օրենդրությամբ տուգանքը կազմում է 100 հազար դրամ` անորոշ թողելով կրկնվելու դեպքում տուգանքների ու պատժամիջոցների հեռանկարը»,- գրել է պատգամավորը։

Լուսանկարը՝ պատգամավորի ֆեյսբուքյան էջից։