Ձեր վստահելի աղբյուրը

ԽՍՀՄ ժողովրդական արտիստ Արմեն Ջիգարխանյանը երեկ պաշտոնապես ամուսնալուծվել է կնոջից՝  Վիտալինա Ցիմբալյուկ-Ռոմանովսկայայից:

Ուկրաինացի դաշնակահարուհին, ինչպես գրում է «Կոմսոմոլսկայա պրավդան», որը յուրացրել է Ջիգարխանյանին պատկանող երեք բնակարանն ու նրա խնայողությունների զգալի մասը, արդեն ապագայի ծրագրեր է կազմում`առանց 82-ամյա ամուսնու: Ջիգարխանյանին երբեմնի սիրող և հոգատար կինը նրան մաղթել է ամենավատը: Այդ մասին НТВ-ով հեռարձակվող հաղորդման ժամանակ  պատմել է դերասանի առաջին կինը՝ Տատյանա Վլասովան:

Տատյանա Վլասովան, որի հետ դերասանն ապրել է ավելի քան 50 տարի, ներկայացրել է վերջերս կայացած իր և Վիտալինայի զրույցից մանրամասներ: Նրա խոսքով՝  այդ ժամանակ  Ջիգարխանյանի երիտասարդ կինը նախկին ամուսնուն ցանկացել է «երկար ու տանջալի մահ»:

«Նա ոչ միայն ամբարտավան է, այլև փտած անձ»,- ասել է Վլասովան:

Հարցին, թե արդյոք ինքը Ջիգարխանյանին հետ կընդունի՞ իր տուն և ընտանիք, կինը չի բացառել։

Նշվում է նաև, որ դերասանի ընկերները մտադիր են դիմել իրավապահ մարմիններին 4 մլն ռուբլու անհետացման հետ կապված, որը Վիտալինան հոկտեմբերի 10-ի կանխիկացրել էր Ջիգարխանյանի հաշվից, երբ նա հիվանդանոցում էր։