Ձեր վստահելի աղբյուրը

ՀՀ կառավարության նոյեմբերի 30-ի նիստում ներկայացվելու է նախագիծ, որով առաջարկվում է հավանություն տալ «Հայաստանի Հանրապետության կառավարության և Ռուսաստանի Դաշնության կառավարության միջև Հայաստանի Հանրապետություն բնական գազի առաքման ժամանակ գների ձևավորման կարգի վերաբերյալ 2013 թվականի դեկտեմբերի 2-ի Համաձայնագրում փոփոխություններ կատարելու մասին» Արձանագրության կնքման առաջարկությանը:

«Ընդունելով էներգետիկ շուկաների և գազատրանսպորտային ենթակառուցվածքների զարգացման կարևորությունը, ինչպես նաև գազամատակարարման հուսալիության ապահովման անհրաժեշտությունը, ելնելով ՀՀ տնտեսության համար համակարգաստեղծ ձեռնարկության՝ «Գազպրոմ Արմենիա» փակ բաժնետիրական ընկերության կայուն տնտեսական վիճակի պահպանման շահերից, և հաշվի առնելով «Գազպրոմ Արմենիա» փակ բաժնետիրական ընկերության գործունեության մեջ Կողմերի պետությունների փոխադարձ հետաքրքրությունը,   «2017թ. դեկտեմբերի 31-ը» բառերը փոխարինել «2018թ. դեկտեմբերի 31-ը» բառերով»,- նշված է նախագծի հիմնավորման մեջ:

Սա նշանակում է, որ Ռուսաստանը բնական գազի գինը Հայաստանի համար մինչև 2018 թվականի դեկտեմբերի 31-ը ներառյալ, կպահպանի 150 դոլար՝ 1 հազար խոր. մետրի համար: