Ձեր վստահելի աղբյուրը

Նոյեմբերի 28-ին ողջ աշխարհում նշվում է «Առատ երեքշաբթին»: Սա այն օն էր, երբ բոլորը բարեգործություն են անում: Հենց այդ օրը Երևան Մոլում բացվեց «Բարի կղզին», որի նպատակն է հավաքել միջոցներ մանկատան սաների համար «Բարի տնակ» ներառական տյուտոր-կենտրոնի կառուցման նպատակով: Կղզիում մարդիկ կարող են նաև նվերներ թողնել  հաշմանդամություն ունեցող ծնողազուրկ երեխաներին երջանիկ Ամանոր պարգևելու համար:

«Բարի տնակը» կարևորագույն նախագիծ է: Ապաստան մայրերի համար, ովքեր չեն ցանկանում լքել իրենց երեխաներին, մանկատան սաների թերապիաների կենտրոն և տուն չափահաս հաշմանդամություն ունեցող ծնողազուրկ մանկատան սաների համար: Կարևոր է գիտակցել, որ յուրաքանչյուրս ընդամենր 500 դրամ նվիրաբերելով կարող ենք փոխել երեխաների կյանքը», - նշում է նախաձեռնության հեղինակ «Բարի մամա» ՀԿ ղեկավար Մարինե Ադուլյանը:

Օրվա պատգամը ավելի լայն տարածելու համար «Բարի մամա» հասարակական կազմակերպություն խնդրել էր հայտնիներին նվերներ բերել մանկատան սաների համար: Իրենց մասնակցությունն ունեցան Շուշան Պետրոսյանը, Իրինա Թովմասյանը, Լիլիթ Ամիրգուլյանը, Նիքոլ Փաշինյանը, Եգոր Գլումովը, Սոֆյա Ղուլյանը, Gosh-ը, Մեգին, Էրիկ Զաքյանը, Դավիթ Վարդանյանը, Սեդի Տոնոյանը, Նարե Ճուգուրյանը, Սյուզի Հարությունյանը,  Արուսյակ Հարությունյանը, Սոնա Ազարյանը, «Լալաֆա» վոկալ ստուդիան ի դեմս Հրանուշ Տոնոյանի և այլոք:
Նվերների արկղը և Բարի կզյակը դեռ մեկ ամիս շարունակ կլինեն «Երևան մոլում»:

Լուսանկարները՝ Տիգրան Անդրյանի: