Ձեր վստահելի աղբյուրը

ՌԴ ԱԳ նախարարությունը տարածել է հայտարարություն Կիևում  անցկացված Սևծովյան տնտեսական համագործակցության խորհրդարանական վեհաժողովի նիստում բանաձևի ընդունման քննարկումներին հայկական պատվիրակության չմասնակցելու վերաբերյալ:

«Որպես բողոքի նշան հայկական պատվիրակությունը ստիպված էր լքել նիստերի դահլիճը»,-արձանագրել են ՌԴ ԱԳՆ-ում:

Կայքի փոխանցմամբ,  ակնհայտ է, որ Ուկրաինան չի կարողանում որպես նախագահող իրականացել իր պարտականությունները՝ խախտելով համընդհանուր նորմերն ու բազմակողմ կազմակերպության աշխատանքի սկզբունքները, չապահովելով քննարկումներին պատվիրակությունների լիարժեք մասնակցությունը, խախտելով պառլամենտարիզմի հիմնարար սկզբունքները:

«Տեղին է հիշեցնել, որ ռուսական խորհրդարանական պատվիրակությունը նստաշրջանին մասնակցելու համար Կիևից հրավեր չի ստացել: Ցավոք, պատվիրակությունների իրավունքների խախտումները տեղի են ունենում կազմակերպության մյուս անդամների լռության պայմաններում: Այս հարցը պահանջում է լուրջ քննարկումների Վեհաժողովի շրջանակում»,-նշել է ՌԴ ԱԳՆ-ն:

Ինչ վերաբերում է ուկրաինական փոփոխություններին, ապա դրանք վերջին պահին ներկայացվել են նախապես համաձայնեցված նախագծի հայտարարության մեջ և ակնհայտորեն սադրիչ բնույթ ունեն։

Ուկրաինացիները փաստացի չարաշահել են իրենց  նախագահության  գործառությունները, ՍՏԾՀ-ի պատվիրակների  «ձեռքերը ոլորել են», և նրանք հասել են հստակ, չհավասարակշռված ձևակերպման ընդունմանը, որը դուրս է տնտեսական թեմայից»,-նշված է  ՌԴ ԱԳՆ հայտարարության  մեջ: