Ձեր վստահելի աղբյուրը

Ռուսական «Ռոսիա-24» հեռուստաալիքը հատուկ ռեպորտաժ է պատրաստել հանգստյան օրերը Հայաստանում անցկացնելու գրավչության մասին։

«Հայկական weekend»  ռեպորտաժում  լրագրող Անտոն Բորիսովը որոշել է հանգստյան օրերն անցկացնել Հայաստանում և պարզել, թե ինչն է գրավում  այստեղ զբոսաշրջիկներին:

«Ըստ ՀՀ կառավարության տվյալների՝ 2017թ-ի 9 ամիսների ընթացքում Հայաստան է այցելել 2.5 միլիոն մարդ։ Այս ցուցանիշը 21 տոկոսով ավելի է նախորդ տարվա համեմատ։Հայաստանը ճանաչելու համար նախ պետք է այցելել Երևան։  Այն հնագույն քաղաք է, հաջորդ տարի կլրանա նրա 2800 տարին։ Այստեղ տարբեր գրպաններին համապատասխան հյուրանոցներ կան։ Կասկադի «տիտանիկ» աստիճաններից ողջ քաղաքը կարծես ափիդ մեջ լինի»,-նշել է լրագրողը։

Ռեպորտաժի հեղինակը, որպես պարտադիր այցելության վայր Հայաստանում, նշում է Էջմիածինը։ Վերջինս պատմել է Սուրբ Գեղարդի մասին՝ նիզակի այն ծայրն է, որով հռոմեացի զորականը՝ Ղունկիանոս հարյուրապետը, խոցեց  Հիսուս Քրիստոսին` խաչի վրա: Նա նաև այցելել է Գառնի, Սևան, Ծաղկաձոր։

Անտոն Բորիսովը նշել է, որ Հայաստան կատարելիք այցի ժամանակ շատ զբոսաշրջիկների է հանդիպել, հիմնականում Ռուսաստանից,  բացի ռուս զբոսաշրջիկիներից, ՀՀ այցելում են նաև ֆիլիպինցիներ, ճապոնացիներ, հնդիկներ։ 

«Հմուտ  զբոսաշրջիկին անհրաժեշտ են բացահայտումներ ու Հայաստանը կարող է  զարմացնել։ Հայաստանը դեռ նոր է սկսել բացահայտել իր հնարավորությունները զբոսաշրջիկների համար»,-հավելել է վերջինս։