Ձեր վստահելի աղբյուրը

Գերմանիայի կառավարությունը ցանկանում է վճարել իր երկրում գտնվող այն ներգաղթյալներին, որոնք կհամաձայնվեն կամավոր վերադառնալ հայրենիք: Korrespondent.net-ի փոխանցմամբ՝ այս մասին հայտարարել է  Գերմանիայի ներքին գործերի նախարարությունը:

Ներկա դրությամբ իշխանություններն արդեն վճարում են շուրջ 1200 եվրո 12 տարեկանից բարձր բոլոր փախստականներին, որոնք կամովին հրաժարվում են հետագայում Գերմանիայից ապաստան խնդրելու դիմումից: 600 եվրո էլ վճարվում է 12 տարեկանից ցածր երեխաների համար:

«Եթե մինչև փետրվարի ավարտը կամավոր վերադառնաք հայրենիք, ապա բացի հիմնական օգնությունից կարող եք նաև ֆինանսական օգնություն ստանալ ձեր երկրում առաջին 12 ամիսների ընթացքում՝ բնակարանային ապահովման համար»,-հայտնել է ՆԳՆ ղեկավար Տոմաս դե Մեզյերը:

Ներկայում Գերմանիայում 115 հազար միգրանտ կա: Այս տարվա ընթացքում մինչև հոկտեմբեր ընկած ժամանակահատվածում կամավոր հայրենիք վերադառնալու ցանկություն է հայտնել 8639 միգրանտ։