Ձեր վստահելի աղբյուրը

Հայաստանում  առաջին անհրաժեշտության սննդամթերք համարվող  հացի արտադրության ծավալների նվազման միտումը շարունակվում է։

ՀՀ ազգային վիճակագրական ծառայության հրապարակած տվյալների համաձայն, Հայաստանում  2017 թվականի հունվար-հոկտեմբեր ամիսներին արտադրվել է 226.8 հազար տոննա հաց` 2016թ-ի նույն ժամանակահատվածի համեմատ  նվազելով 2.4 տոկոսով: Նախորդ տարի նույն ժամանակահատվածում արտադրվել է 232.4 տոննա հաց:

Ըստ պաշտոնական վիճակագրության` նշված ժամանակահատվածում 3.1%-ով նվազել է նաև ալյուրի արտադրությունը` կազմելով 135.2 հազար տոննա:

Միաժամանակ այս տարվա 10 ամիսներին 16.9 տոկոսով ավելացել է հրուշակեղենի արտադրության ծավալ` կազմելով  14 629.7 տոննա, 39.4%-ով` ձավարեղենի արտադրությունը (899.2):

Վիճակագրության համաձայն` հունվար-հոկտեմբերին 1.7%-ով ավելացել է նաև  մակարոնեղենի արտադրությունը. մասնավորապես, նշված ժամանակահատվածում արտադրվել է 2 708.3 տոննա մակարոնեղեն, իսկ 2016թ-ի հունվար-հոկտեմբերին` 2 662.1 տոննա։