Ձեր վստահելի աղբյուրը

Մեկնարկել է Ազգային ժողովի վեցերորդ գումարման երկրորդ նստաշրջանի հերթական նիստը: Խորհրդարանը քվեարկության դրեց «Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագիծը։

Վարման կարգով ՀՀԿ-ական պտգամավոր Սամվել Ֆարմանյանը նշեց. «ԵԱՏՄ-ԵՄ քննարկումների հետ կապված պետք է արձանագրել հետևյալը՝ ՀՀ-ին հաջողվել է գրեթե ոսկերչական ճշգրտությամբ արտաքին քաղաքականության ոլորտում առաջ տանել ՀՀ շահերը։  ԵԱՏՄ-ԵՄ արհեստական հակադրությունը չի բխում Հայաստանի շահերից և վստահ եմ, որ մեզնից ձախ նստած խմբակցությունը ևս դա լավ գիտակցում է»։

Նախագծին դեմ քվերակեց 76 պատգամավոր, կողմ 6 պատգամավոր։

Մտքերի փոխանակման ժամանակ «Ելք» խմբակցության պատգամավոր Էդմոն Մարուքյանն անդրադառնալով Ֆարմանյանի ելույթին՝ ասաց. «Հակադրություն եղել է մեր հանրապետական գործընկերների ներկայացրած փաստարկների մեջ։ Ես ձեզ առաջարկում եմ մարզեր այցելել և մարդկանց բացատրել, թե ինչու են ապրանքներն այսքան թանկանում և հուվարի 1-ից ինչու են թանկանալու։ Մարդկանց բացատրեք, որ Հայաստանը զարգանում է, բացատրեք, որ ապրանքները չեն թանկանում։ Մարդիկ արդեն կարագ են բանկ դնում, որ գրավ վերցնեն։ Դրա մասին մտածեք»։