Ձեր վստահելի աղբյուրը

Հայաստանի ազգային հավաքականի ֆուտբոլիստ, «Մանչեսթեր Յունայթեդ»-ի հայ կիսապաշտպան Հենրիխ Մխիթարյանը հետևում է իր երկրպագուների ֆեյսբուքյան #Հենոդուխով ֆլեշմոբին: Panorama.am-ը զրուցեց Հենրիխ Մխիթարյանի մոր՝ Մարինա Թաշչյանի հետ, հետաքրքրվեցինք՝ արդյո՞ք ֆուտբոլիստը հետևում է իրեն քաջալերող այս արշավին: Թաշչյանն ասաց, որ որդին տեղյակ է այս ֆլեշմոբի մասին, տեսել և կարդում է իր երկրպագուների գրառումները:

#Հենոդուխով ֆեյսբուքյան այս արշավի հեղինակը բլոգեր Տիգրան Քոչարյանն է: Նրա սկսած ֆլեշմոբին միացել է Մխիթարյանի երկրպագուների մի մեծ բանակ, ովքեր #Հենոդուխով հեշթեգով լուսանկարներ ու գրառումներ են տարածում:

Հայ ֆուտբոլիստի երկրպագուները Մխիթարյանի նկատմամբ անարդար վերաբերմունքից իրենց դժգոհությունն են հայտնել «Մանչեսթեր Յունայթեդ»-ի գլխավոր մարզչի՝ Ժոզե Մոուրինյոյի Ինստագրամի էջում: Այս մասին տեղեկությունը հայտնվել է «Մանչեսթեր Յունայթեդ»-ի կայքում: Ըստ հրապարակման՝ Հենրիխ Մխիթարյանի կողմնակիցներն իրենց մեկնաբանություններով ռմբակոծել են Մոուրինյոյի ինստագրամի էջը` պահանջելով «Մանչեսթեր Յունայթեդի» խաղացողի վերադարձը թիմ:

Մոուրինյոն վերջին վեց խաղերից հինգում Մխիթարյանին դուրս է թողել, և նույնիսկ չի էլ ներառել Ուոթֆորդում ու Արսենալում անցյալ շաբաթվա մրցաշարերին:  Մխիթարյանն անցյալ ամիս մեկնել է Բազել, սակայն դարձել է միակ արտագնա խաղացողը, որ դուրս է մնացել 18-րդ տուրից: Մոուրինյոյի՝ դստեր ծննդյան տարեդարձին նվիրված վերջին վերբեռնումը, որ նոյեմբերի 4-ին էր, վերջին երկու օրվա ընթացքում ողողվել է մեկնաբանություններով, որոնցում երկրպագուները կոչ են արել վերջինիս՝ վերականգնել Մխիթարյանին:

Օգտատերերի մեծամասնությունը կարծես հայեր են, և մեկնաբանությունների շրջանակը  լայն է` երկրի դրոշի պատկերից մինչև արցունքոտ սմայլիկներ:  Մյուսները տեղեկացրել են Մոուրինյոյին, որ «Միկին»  լավագույն է»,« Մենք Մխիթարյանի կարիքն իսկապես ունենք», «Ետ բերեք Մխիթարյանին և մի մոռացեք Մխիթարյանի ներդրումը Ձեր Ջոուս ակումբում»: Մյուսները տեղադրել են  Մխիթարյանի երգերի տեքստերը: