Ձեր վստահելի աղբյուրը

«Զինծառայողների ապահովագրության» հիմնադրամ  ներկայացրել է  մեկից ավելի հիմքով վճարված դրոշմանիշային վճարը հետ ստանալու եղանակները:

Այպիսով, օրենքի, ինչպես նաև ՀՀ Կառավարության 02.02.2017թ. թիվ 86-Ն որոշման համաձայն՝  յուրաքանչյուր հաշվետու ժամանակաշրջանի համար մեկից ավելի հիմքով վճարված դրոշմանիշային վճարը հնարավոր է հետ ստանալ, եթե.

- Հանդիսանում եք ժամկետային պարտադիր զինվորական ծառայության մեջ գտնվող կամ զոհված (մահացած) զինծառայողի ծնող, ամուսին և(կամ) զավակ (զավակները),

-Եթե որպես ֆիզիկական անձ միաժամանակ աշխատում եք աշխատանքային պայմանագրով և հանդիսանում եք անհատ ձեռնարկատեր, նոտար և(կամ) աշխատանքների կատարման կամ ծառայությունների մատուցման քաղաքացիաիրավական պայմանագրով ստանում եք եկամուտ,

- Եթե նույն հաշվետու ժամանակաշրջանում եկամուտներ եք ստանում տարբեր անձանց հետ կնքված՝ աշխատանքների կատարման կամ ծառայությունների մատուցման քաղաքացիաիրավական մեկից ավելի պայմանագրով,

- Եթե աշխատանքային պայմանագրով աշխատում եք մեկից ավելի գործատուի մոտ:

Ըստ Հիմնադրամի պաշտոնական կայքի՝ նշված դիմումների և տեղեկանքների օրինակները պետք է ներբեռնել համապատասխան հղումով:

Համապատասխան դիմումը և կից տեղեկանքներն էլ պետք է ուղարկել փոստով՝ 0010 ՀՀ, ք. Երևան, Վ. Սարգսյան 6 հասցեով, 2018թ. հունվարի 1-ից փետրվարի 28-ն ընկած ժամանակահատվածում: