Ձեր վստահելի աղբյուրը

Forbes-ի ողջ պատմության ընթացքում ամենից բարձր վճարվող մարզիկ է ճանաչվել Մայքլ Ջորդանը: Այս մասին տեղեկացնում է Apsny.ge-ն: 2017 թ. դոլարի միջին փոխարժեքով հաշվելով՝ մարզիկը վաստակել է 1,85 միլիարդ դոլար: Պրոֆեսիոնալ բասկետբոլիստի աշխատավարձից և պարգևավճարներից բացի՝ նա իր կարողության ոչ փոքր հատվածը վաստակել է գովազդային պայմանագրերի շնորհիվ:

Forbes-ի վարկանիշային ցուցակում երկրորդ տեղը զբաղեցրել է Թայգեր Վուդսը, ով վաստակել է մոտ 1,7 միլիարդ դոլար: Նա նույնպես իր ֆինանսական միջոցների մեծ մասը ստացել է գովազդային պայմանագրերի շնորհիվ: Միլիարդ դոլարից ավել վաստակել են նաև երկու գոլֆիստ. երրորդ տեղում Առնոլդ Պալմերն է, ով մահացել է նախորդ սեպտեմբերին, նրան հաջորդում է Ջեք Նիկլաուսը: Նա ստեղծել է բիզնես-կայսրություն, որը զբաղվում է անշարժ գույքով, պաղպաղակի, գազավորված ըմպելիքների և գինու արտադրանքով:

վտոարշավորդներից ամենից բարձր է վաստակել Միխաել Շումախերը, ով հինգերորդ տեղում է: «Ֆորմուլա 1»-ի բազմակի չեմպիոնը վաստակել է 1 միլիարդ դոլար: Մի քանի տարի առաջ նա գլխավորում էր Forbes-ի սպորտային վարկանիշային աղյուսակը, սակայն Ալպերում ստացած վնասվածքը կտրուկ փոխեց նրա կյանքը: 2013-ից նա միացված է արհեստական շնչառության ապարատին:

Ֆուտբոլիստներից այս ցուցակում ամենաբարձր տեղում է Դևիդ Բեքհեմը՝ 800 մլն դոլար կարողությամբ: Նա ոչ մի անգամ Եվրոպայի կամ աշխարհի լիգայի չեմպիոն չի դարձել, սակայն գովազդային պայմանագրերի շնորհիվ կարողացել է առաջ անցնել Կրիշտիանու Ռոնալդուից և Լեոնել Մեսսիից: