ՀՀ-ԵՄ նոր համաձայնագիրը հավակնոտ, նոր էջ բացող փաստաթուղթ է. Արա Բաբլոյան
Օրեր առաջ Բրյուսելում ստորագրված Հայաստան-ԵՄ նոր համաձայնագիրը հավակնոտ փաստաթուղթ է, որը նոր էջ է բացում երկկողմ հարաբերությունների պատմության մեջ: ԵՄ-Հայաստան խորհրդարանական համագործակցության հանձնաժողովի 17-րդ նիստում այսօր այս մասին հայտարարեց ԱԺ նախագահ Արա Բաբլոյանը՝ հավելելով, որ Հայաստանը մշտապես հայտարարել է, որ ԵՄ-ի հետ սերտ համագործակցությունը կարևոր առաջնահերթություն է:
«Եվրոպական մոդելով ՀՀ պետականության կառուցումը մեր գիտակցված ընտրությունն է, և այդ գործընթացն անշրջելի է: Ապացույցը տարիներ շարունակ եվրոպական կառույցների հետ սերտ համագործակցությունն է ԵՄ-ի կողմից Հայաստանին ցուցաբերված աջակցությունը»,-ասաց նա:
Արա Բաբլոյանի խոսքով, Համապարփակ և ընդլայնված գործընկերության համաձայնագիրը խարսխված է մարդու իրավունքների, ժողովդավարության և իրավունքի գերակայության վրա: Նրա համոզմամբ, այս համաձայնագիրը հնարավորություն կտա նոր թափ հաղորդել հասարակության արդիականացմանն ուղղված համատեղ ջանքերին:
«Մենք պետք է համատեղենք մեր ջանքերը՝ Հայաստան-ԵՄ հարաբերությունների այս նոր փուլում արդյունավետ աշխատելու համար: Գտնվելով քաղաքակրթությունների խաչմերուկում՝ Հայաստանը համագործակցության կամուրջ է տարբեր միջազգային կառույցների միջև»,- նշեց պաշտոնյան:
Անդրադառնալով Արցախյան հիմանախնդրի կարգավորմանը՝ Արա Բաբլոյանը նշեց, որ տարածաշրջանում խաղաղության և կայուն զարգացման հասնելու ձգտումը միասնական է Եվրոպայի հետ: Հայաստան-ԵՄ նոր համաձայանգիրը ևս մեկ անգամ վերահաստատում է՝ ԵՄ հանձնառությունը՝ աջակցելու ԵԱՀԿ Մինսկի խմբի համանախագահների կողմից ԼՂ հակամարտության հանգուցալուծման ջանքերին:
«Չնայած Ադրբեջանը մշտապես փորձում է խեղաթյուրել ԼՂ հակամարտության խաղաղ կարգավորման էությունը, միևնույն է դրա կարգավորումը հիմնված է միջազգային երեք սկզբունքների վրա՝ ուժի կամ ուժի սպառնալիքի չկիրառաման, տարածքային ամբողջականության և ժողովուրդների ինքնորոշման:
Միջազգային հանրության դիրքորոշումն ԼՂ հիմանհարցի առնչությամբ արտահայտված է նաև ԵԱՀԿ Մինսկի խմբի եռանախագահող երկրների ղեկավարների ընդունած հայտարարություններում: Այս առումով հակամարտության լուծումն առանց ԼՂ ժողովրդի ազատ ինքնորոշման իրավունքի իրացման հնարավոր չէ: Մենք պատրաստակամ ենք շարունակել մեր երկխոսությունը մեր եվրոպացի գործընկերների հետ՝ տարբեր ձևաչափերում»,- ամփոփեց ԱԺ նախագահը:
Հարակից հրապարակումներ`
- Մենք ուզում ենք, որ ՀՀ-ԵՄ համաձայանագիրը վավերացվի մինչև 2019 թվականի հունիս. Արմեն Աշոտյան
- ՀՀ-ԵՄ նոր համաձայնագիրը երկու կողմերի համար էլ մեկ քայլ առաջ էր. գերմանացի պատգամավոր
- ՀՀ-ԵՄ համաձայնագիրը ստորագրվեց բավականին կարևոր ժամակաշրջանում. Նաիրա Զոհրաբյան
- ՀՀ-ԵՄ համաձայնագիրը ստորագրելով՝ Հայաստանը հրրաշալի հնարավորություններ ստացավ. Ալբերտ Վայլեր
- Ակնկալում ենք մեր հույն գործընկերների հետագա աջակցությունը ՀՀ-ԵՄ համագործակցությանը. Նալբանդյան
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
