Ձեր վստահելի աղբյուրը

Երևանում աջ ղեկով մեքենաների ներմուծման արգելքի հետևանքով  Երևանի Մալաթիա Սեբաստիա վարչական շրջանում՝ Անդրանիկի արձանի հարևանությամբ բողոքի են դուրս եկել մի քանի քաղաքացիներ:

«Եթե խոսում են անվտանգության մասին, թող վերահսկեն փողով պռավա տրամադրելը: Ճանապարհային նշանները չգիտեն մարդիկ, կանգառում են կանգնում, չեն զիջում մարդկանց: Ավելի լավ է այդ գործընթացը վերահսկեն, ոչ թե ընկնեն աջ ռույլ ունեցողների հետևից»,-ասաց քաղաքացիներից մեկը:

Մեկ այլ վարորդ համարում է, որ եթե պատճառ է բերվում անվտանգության հարցը, ապա աջ ղեկը ձախ դարձնելը մեծ խնդիրներ է առաջացնելու:

Նրան երթով շարժվեցին տրանսպորտի և կապի նախարարություն: Երևանի ՃՈ գումարտակի պետի տեղակալը նրանց հորդորեց կանգնել այնպիսի տեղում, որ չխանգարեն երթևեկությանը:

«Տեղյակ եք, որ հատկապես այս օրերին երթևեկությունը ծանրաբեռնված է: Չկանգնեք արգելված վայրերում»,-ասաց նա:

Վարորդները շնորհակալություն հայտնեցին, ասացին, որ հավաքն ինքնաբուխ է: Բողոքի ակցիայի մասնակիցների հետ հանդիպել է նաև տրանսպորտի և կապի նախարար Վահան Մարտիրոսյանը: