Ձեր վստահելի աղբյուրը

Չնայած 2016-ին հայաստանցի մարմնամարզիկներն ավելի շատ մեդալներ ունեին, քան այս տարի,  հավաքականի գլխավոր մարզիչ Հակոբ Սերոբյանն ավելի շատ գոհ է հենց անցնող տարվա արդյունքներից:

«Ճապոնիայի նման թիմի ենք հաղթել: Արդյունքները կարևոր են, բայց հիմա տղաների առաջ առաջադրանք է դրված անել ամեն ինչ իրենց հնարավորությունների սահմաններում: Այս տարի այդպես էլ եղավ: Ավելին չէին կարող»,-լրագրողների հետ հանդիպմանն ամփոփելով անցնող տարին ասաց մարզիչը:

Հակոբ Սերոբյանն  ափսոսում է միայն Արթուր Թովմասյանի համար, ով կարող էր Եվրոպայի առաջնության երկրորդ մրցանակակիր լինել: Վերջինը դարձել է ունիվերսիադայի կրկնակի ոսկե մեդալակիր, այս առումով հայ մարմնամարզիկներից միակն է:

Եվրոպայի առաջնության բրոնզե մեդալակիր Հարություն Մերդինյանն էլ աշխարհի առաջնությունում 5-րդ տեղն է գրավել, մարզիչը համարում է, որ դա մեդալին հավասար է:

Թե Թովմասյանը, թե Մերդինյանը համաձայն են մարզիչի հետ, որքանով կարողացել են աշխատել են, ուժերի ներածի չափով փորձել են կատարել իրենց առջև դրված առաջադրանքները:

Հ. Սերոբյանը հույս ունի, որ ժամանակի ընթացքում ավելի լավ մարզադահլիճ կունենան, ինչն էլ կնպաստի մարզաձևի զարգացմանը:

«Խնդիրներ կան շատ: Բավականին թանկ մարզաձև է: Մենք չենք ուզում միանգամից ամեն ինչի հասնել, մեր արդյունքները տեսնում են, գնահատում են, աջակցում են»,-ասաց նա:

Մանրամասները՝ տեսանյութում: