Ձեր վստահելի աղբյուրը

2017 թվականի ամենամեծ նվաճումը կարելի է համարել Հայաստան-ԵՄ նոր համաձայանգրի ստորագրումը: Սա երկարատև բանակցությունների արդյունք էր, որի ամբողջ ընթացքում Հայաստանը քաղաքական մեծ կամք դրսևորեց և ԵԱՏՄ-ին անդամակցությանը զուգահեռ՝ ԵՄ-ի հետ երկխոսություն սկսեց: Լրագրողների հետ այսօր կայացած «Եվրոպական ինտեգրացիա» հասարակական կազմակերպության վարչության անդամ Աննա Կարապետյանը:

Նրա խոսքով, երկկողմ գործակցության հաջորդ փուլը լինելու է համաձայնագրի վավերացումը, ինչպես Հայաաստանի, այնպես էլ ԵՄ անդամ երկրների կողմից:

«Հայաստանը քաղաքական կամք է դրսևորում: Դրա օրինակներից մեկը կարելի է համարել այն, որ ՀՀ նախագահն արդեն իսկ հրամանագիր է ստորագրել, որով այդ համաձայնագիրը կյանքի կոչող միջգերատեսչական հանձնաժողով է ձևավորվել: Սրանով Հայաստանը ցույց է տալիս, որ անում է ամեն բան՝ գործընթացն արագ  ավարտելու:

ԵՄ-ն ևս անում է ամեն ինչ՝ Հայաստանի հետ արդյունավետ գործակցելու: Դրա մասին վկայում են ինչպես մի շարք հայտարարությունները, այնպես էլ այն, որ Հայաստանի զարգացման ծրագրերի համար ԵՄ աջակցությունը 20-25 տոկոսով աճելու է»,- նշեց Աննա Կարապետյանը:

Եվրոպական ինտեգրացիա» հասարակական կազմակերպության վարչության անդամը նաև ընդգծեց՝ շատ կարևոր է, որ շարքային քաղաքացին հնարվորինս շուտ զգա ԵՄ-ի հետ կնքված նոր համաձայանգրի արդյունքները:

Ամփոփելով Աննա կարապետյանը կարևորեց այն հանգա,մանքը, որ Հայաստան-ԵՄ նոր համաձայանգրի կնքումը բարձր գնահատականի արժանացավ ԵԱՏՄ անդամ երկրների կողմից: