Հիմնադիր խորհրդարանի անդամն ԱԱԾ-ում հարցաքննվել է ու ազատ արձակվել. Factor.am
«Վիգեն Նազարյանը շատ լուրջ քրեական գործի շրջանակներում հարցաքննվել է ու ազատ արձակվել»,- Factor.am- ին ասել է Վիգեն Նազարյանի պաշտպան Արայիկ Պապիկյանը:
Փաստաբանը տեղեկացրել է, որ Հիմնադիր խորհրդարանի անդամն ԱԱԾ էր հրավիրվել վկայի կարգավիճակով:
«Գործը լուրջ քննության առարկա գործ է, բայց Վիգեն Նազարյանը, ինչպես պարզ դարձավ հարցաքննությունից, այդ գործի հետ որևէ առնչություն չունի: Հարցաքննությունը շատ նորմալ է անցել, որևէ խնդիր կամ խախտում չի արձանագրվել»,-ասել է Պապիկյանը:
Ըստ աղբյուրի, նախքան Վիգեն Նազարյանին հարցաքննելը նրա բնակարանում խուզարկություն է իրականացվել, սակայն փաստաբանի պնդմամբ, գործին առնչվող որևէ իր կամ առարկա չի հայտնաբերվել: Փաստաբանն այլ մանրամասներ չի հաղորդել՝ հղում անելով նախաքննական գաղտնիությանը:
«Հուսով ենք, որ պարոն Նազարյանին այլևս չեն անհանգստացնի, ԱԱԾ-ն իր գործողությունները հետագայում կկատարի, որոնք մեզ հետ կապ չեն ունենա և չեն էլ հետաքրքրի»,- եզրափակել է Պապիկյանը:
Հիշեցնենք, որ երեկ Հիմնադիր Խորհրդարանը հաղորդագրություն էր տարածել, որտեղ մասնավորապես ասված էր. «ԱԱԾ աշխատակիցները ձերբակալել են Հիմնադիր խորհրդարանի անդամ Վիգեն Նազարյանին, «այլ երկրի համար աշխատելու» «պատճառաբանությամբ»»:
Լրահոս
Տեսանյութեր
Մայր տաճարի վերանորոգման համար պետության կողմից ֆինանսական աջակցություն չի եղել. Մուշեղ Սրբազան