Ձեր վստահելի աղբյուրը

Որ մեկն իրա պաշտպանության նախարարին «բոշա» անվանի, էտի էղավ էլ երկի՞ր, էլ բանա՞կ: ՀՀ պաշտպանության նախարար Վիգեն Սարգսյանի մասին ԱԺ-ում լրագրողների հետ զրույցում նման հարց հնչեցրեց ԱԺ պատգամավոր Սեյրան Սարոյանը՝ անդրադառնալով նախարարի՝ ֆեյսբուքյան օգտագիրոջը «բոշա» անվանելու աղմկահարույց գրառմանը:

Գեներալը բարկացավ՝ քաղաքացին ի՞նչ իրավունք ունի պաշտպանության նախարարին «բոշա» ասել:
Երբ լրագրողներն ուղղեցին նրան՝ նշելով, որ քաղաքացին «բոշա» անվանել է ոչ թե նախարարին, այլ զինծառայող Ալբերտ Դալլաքյանի վիրահատության համար դրամահավաքի նախարարի կոչը, ՀՀԿ խմբակցության պատգամավորը նշեց. «Ի՞նչ եք ուզում Վիգեն Սարգսյանից, չեմ կարում հասկանամ: Մի հատ պաշտպանության նախարար ունենք, էդ էլ չհարգե՞նք, ամոթ ա: Որ մեկն իրա պաշտպանության նախարարին «բոշա» անվանի, էտի էղավ էլ երկիր, էլ բանա՞կ:  Արեք բանակին հարգենք, հարյուր անգամ ասել եմ, խնդրել եմ ձեզի: Թողեք հլը տենանք նոր նախարար  նշանակած էս մարդուն, մի տարի էլ չկա: Յոթ տարվա էլ ծրագիրա գրել, որ պտի մեր բանակը հզորացնի: Փոխանակ սաղս օգնենք, հիմա ընգելե նք էս տղու հետևից: Էնքան կանենք, մինչև զզվա էդ մարդը, չաշխատի: Չի կարելի ըտենց:
Յոթ տարվա ծրագիրը քննարկման առարկա դարձրե՞ց, ամբողջ ժողովրդին ծանոթացրե՞ց, բոլորը քննարկեցի՞ն, ճիշտա՞: Հիմա թողեք, տենանաք էս մարդն ի՞նչ ա անում: Բան չարած՝ արդեն փնովում  ենք, խայտառակ ենք անում, քար ենք շպրտում, ցեխ ենք շպրտում, էմ չէ էս ենք կռվցնում բանակի հետ: Մարդը բանակի յոթ տարվա ծրագիրը գրե, նստե վրեն: Յոթ տարի սաղս պտի օգնենք Վիգեն Սարգսյանին, որ մեր բանակն ուժեղան, թուրքի հերն անիծենք: Էն օրն էլ մեկը մթոմ անեկդոտ էր գրել: Լրագրող աջիկա, կնիկա, չեմ էլ իմանում: Դրե կաթսղիկոսինա խայտառակ անում, ընձի, Վիգենին: Լավ, պաշտպանության նախարարից չենք վախում, կաթողիկոսից չենք վախում, գոնե Աստծուց վախենանք: Բա կարելիա՞ կաթողիոկոսի մասին անեկդոտ գրել: Խայտառակություն ա»,- նշեց Սեյրան Սարոյանը:

Հարցին՝ ուր է պետությունը, որ Վիգեն Սարգսյանը զինվորի բուժման համար  դրամահավաքի կոչ է անում, գեներալը դա երևույթը բնականոն համարեց՝ նշելով, որ պետությունը հենց ժողովուրդն է:
«Պետությունը մենք ենք, առանց ձեզի, առանց մեզի ի՞նչ պետություն»,- ասաց նա: