Ձեր վստահելի աղբյուրը

Ազգային ժողովում քննարկվում է ՀՀ  ջրային օրենսգրքում փոփոխություններ և լրացումներ կատարելու մասին  և կից ներկայացված օրենքների նախագծերի փաթեթեն առաջին ընեթերցմամբ ընդունելու հարցը։

«Հիմնական նպատակն է, որ առ այսօր, չնայած որոշ ներդրումների ու աշխատանքների, կոյուղաջրերի համակարգերի վերականգմնան ուղղությամբ հիմնական շեշտադրումը եղել է ավելի շատ ջրամատակարաման վրա, իսկ ջրահեռացումը, մաքրումը և շրջակա միջավայր բացթողման ենթահամակարգերն այսպես ասած հետին պլան են մղվել»,- նշեց հիմնական զեկուցող ՀՀ բնապահպանության նախարար Արծվիկ Մինասյանը։

Նրա խոսքով՝ փոփոխությունների հիմնական նպատակը կեղտաջրերի հեռացման և մաքրման ուղղությամբ համակարգային լուծուներն առաջարկելն է։

«Հստակեցվում է լիցենզավորման կարգը։ կարգավորող մարմինը հստակ լիցենզավորում կիրականացնի այն դեպքերում, երբ չկան մրցակիցներ, ի տարբերություն այսօր գործողին, երբ բոլորին են լիցենզավորում»,- ասաց նախարարը։

Առաջարկվող փոփոխություններին նա առանձնացրեց նաև համայնքներում և բնակավայերում կեղտաջրերին ներկայացվող պահանջները. բոլոր համայնքները, կառավարում իրականացնող կազմակերպությունները պետք է ապահովեն կեղտաջրերի հեռացման և մաքրման հասանելի ծառայություններ:

«Այս պահին որևէ բեռ համայնքների և քաղաքացիների վրա չի դրվում»,- հավելեց հիմնական զեկուցողը։

«Ծառուկյան» խմբակցության պատգամավոր Վարդան բոստանջայնն ասաց, որքան էլ որ ասում ենք՝ ֆինանսական ծանրաբեռնվածություն չի դրվում, այնուամենայնիվ պետք է ֆինանասավորող լինի. «Դուք մտածում եք հիմա մասնավորի վերաբերյալ, մասնավորն էլ ըստ էության կարող է կանի, չի կարող՝ չի անի։ Հնարավոր չի այս պահին օրենքում ամրագրել մոտեցում, համաձայն որի, մասնավորներն իսկապես շահագրգռված լինեն և իրենց ներդրումները ստանալու, և մաքուր ջրից օգտվելու համար»։

Նախարարը պատասխանեց. «Մեր նպատակաը հետևյալն է՝ ամեն ինչ անել, որ մասնավոր սեկտորը և հանրությունը ներգրավվի այս ծրագրի մեջ կամավորության սկզբունքով՝ տեսնելով  տնտեսական շահը, խթանը»։