Ձեր վստահելի աղբյուրը

«Առողջապահության համաշխարհային կազմակերպության տեսանկյունից ԳՁՕ սննդամթերքի օգտագործումը կարող է առաջացնել մի քանի հնարավոր ռիսկեր»,-ԱԺ-ում լսումների ժամանակ հայտարարեց ԱՆ Բժշկական օգնության քաղաքականության վարչություն պետի պաշտոնակատար Դավիթ Մելիք-Նուբարյանը:

Նրա խոսքով, հնարավոր են թունավորումներ, ալերգիկ ռեակցիաներ, ցանկացած այլ ազդեցություն, որոնք կարող են առաջանալ օրգանիզմում գենի ներկրման հետևանքով:

«Ուզում եմ ընդգծել, որ առողջապահության նախարարությունը մեծ ուշադրություն է դարձնում մարդու առողջության վրա ԳՁՕ-ների հնարավոր ազդեցության հետ կապված խնդիրներին՝ հետևելով միջազգային զարգացումներին, ԱՀԿ կողմից առաջարկված մոտեցումներին»,-ասաց նախարարության ներկայացուցիչը:

Դավիթ Մելիք-Նուբարյանն ասաց, այս պահի դրությամբ նախարարությունը չունի փաստագրված տվյալներ, որ Հայաստանում ԳՁՕ-ների կիրառման հետևանքով առաջացել են որևէ առողջական խնդիրներ:

Մանրամասները՝ տեսանյութում: