Հայտնի է, թե հարսանիքին ինչ նվեր են ցանկանում ստանալ արքայազն Հարրին ու Մեգան Մարքլը

Հասարակություն 17:31 10/02/2018 Աշխարհում

Հայտնի է, թե հարսանիքին ինչ նվեր են ցանկանում ստանալ արքայազն Հարրին ու Մեգան Մարքլը

Մայիսի 19-ին Վինձորի ամրոցի Սուրբ Գեորգիի տաճարում տեղի կունենա արքայազն Հարրիի և ամերիկացի դերասանուհի Մեգան Մարքլի հարսանեկան արարողությունը: Պսակադրությունից հետո դերասանուհուն պաշտոնապես նոր տիտղոս կշնորհվի, իսկ թե ինչ անուն, դեռ հայտնի չէ, որոշումը Եղիսաբեթ II-ը պետք է կայացնի, գրում է Hello ամսագիրը:

Ըստ լուրերի՝ թագավորական հարսանիքին հյուրերի թիվը կարող է կրկնակի քիչ լինել, քան արքայազն Ուիլյամի և Քեյթ Միդլթոնի հարսանիքի ժամանակ: Նշվում է, որ կհրավիրվի 800 հյուր, մինչդեռ Ուիլյամի և Քեյթի հարսանիքին հյուրերի թիվը հասնում էր 1900-ի:

Տարվա գլխավոր իրադարձությանը մնացել է ավելի քան երեք ամիս, բայց մամուլն արդեն որոշ մանրամասներ է հրապարակում: Այսպիսով, ըստ մամուլի, պարզվել է, թե ինչ նվերներ են ցանկանում ստանալ արքայազն ու դերասանուհին:

Նշվում է, որ Հարրին չի ցանկանում հյուրերին ծանրաբեռնել՝ բարձրաճաշակ նվերներ ընտրելու և ձեռք բերելու հոգսով: Նա ավելի շատ կուրախանա, եթե նրանք իր բարեգործական ծրագրերին աջակցեն:

Այս դեպքում արքայազն Հարրին հետևելու է իր ավագ եղբոր՝ արքայազն Ուիլյամի օրինակին: 2011 թ-ին մինչ իրենց հարսանիքը, Ուիլյամն ու Քեյթ Միդլոնը հյուրերին և երկրպագուներին խնդրեցին բարեգործական հիմնադրամին փոխանցել այն գումարը, որը պետք է հատկացնեին նվերների համար: Արդյունքում, հիմնադրամը ստացավ 1 միլիոն ֆունտ ստեռլինգ, և ամբողջ գումարը բաժանվեց 26 քիչ հայտնի բարեգործական կազմակերպությունների միջև, որոնք չունեին հովանավորներ:

Հայտնի է՝ Հարրին և Մեգան Մարքլը նախքան միմյանց հանդիպելը, մեծ ուշադություն էին դարձնում բարեգործությանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: