Ձեր վստահելի աղբյուրը

Քաղաքացիներն առողջապահության նախարարությունից ավելի շատ ակնկալում են ոչինչ չանել: Այսօր լրագրողների հետ հանդիպմանը նման կարծիք հայտնեց «Իրազեկ և պաշտպանված սպառող ՀԿ նախագահ Բաբկեն Պիպոյանը՝ անդրադառնալով դեղերի գնման փոփոխություններին:

Բանախոսը կարծում է, որ նախարարությունը լավ չի իրականացնում գործառույթները:

«Ծխելու դեմ պայքարի այնպիսի նախագիծ են բերում, որ ծխողների թիվը երկրում ավելանում է, բոլորը սկսում են բոյկոտել, որովհետև օրենքն իրականությունից կտրված է: Քաղցկեղի դեմ ծրագիր են իրականացնում, որ մարդիկ պիտի ծափ տան, բայց ոչ մեկ չի ցանկանում իր երեխային տանի պատվաստման»,-որպես օրինակ ներկայացրեց նա:

Անդրադառնալով դեղերի գնման փոփոխությունների նախագծին, ՀԿ նախագահը նշեց, որ մարդիկ պետք է վստահ լինեն, որ այստեղ կոռուպցիա չկա, քաղաքացիների համար տեսանելի չէ, թե ինչպիսին  է լինելու էլեկտրոնային  համակարգը։

«Ասում են, սատանան այնքան վախենալու չի, որքան թվում է: Սակայն էս էն դեպքերից է, որ սատանան կարող  է վախենալու դառնալ: Ես ունեմ նույն մտավախությունները, ինչ քաղաքացիները»,-նկատեց Պիպոյանը:

Մանրամասները՝ տեսանյութում: