Ձեր վստահելի աղբյուրը

«Մեր պահանջը բացարձակապես կապ չունի քաղաքականության հետ»,-ԱԺ-ում ընթացող լսումների ժամանակ հայտարարեց «Մարտի 1» ՀԿ փոխնախագահ Սարգիս Քլոյանը: Նա  2008-ի մարտի 1-ին զոհված Գոռ Քլոյանի հայրն է:

Նրա խոսքով, իր  ու մյուս զոհերի հարազատների պահանջը մեկն է՝ բացահայտել մարտի մեկի ոճրագործության հեղինակներին:

«Մեր պահանջն է պարզել, թե ով հրաման տվեց, ովքե՞ր սպանեցին մեր երեխաներին, պատասխանատվության չեն ենթարկվել ոչ կատարողները, ոչ էլ հրաման տվողները»,-ասաց նա:

Անդրադառնալով այն հայտարարությանը, թե վկաների մի մասն արտագաղթել է, մյուսներն էլ չեն հիշում, թե  ինչ է տեղի ունեցել: Քլոյանի հայրը մտահոգություն հայտնեց, որ մի քանի տարի անց շատերը չեն հիշի մարտի 1-ի մասին:

«Որպես մարտի 1-ի մասնակից ի՞նչ եմ տեսել: Մոտ 500 սադրիչներ ջարդում էին Ռուսաստանի դեսպանատունը, որ ասեին՝ ընդդիմությունը հակառուսական տրամադրություններ ունի»,-ասաց Քլոյանը:

Նա համոզմունք հայտնեց, որ անցած տասը տարիների ընթացքում դատախազներն ու քննիչները ոչ թե ջանք են գործադրել հանցագործությունները բացահայտելու համար, այլ «պարտկելու համար»:
«Մենք պայքարելու ենք բոլոր մեղավորներին պատժելու համար»,-խոսքն ավարտեց նա:

Մանրամասները՝ տեսանյութում: