Ձեր վստահելի աղբյուրը

Նկարիչների միության նախագահ Կարեն Աղամյանը լավատես է և ՀՀ չորրորդ նախագահի թեկնածու Արմեն Սարգսյանի ղեկավարումից դրական զարգացումներ է ակնկալում: Այս մասին նա ասաց այսօր կայացած մամուլի ասուլիսի ժամանակ:

«Արմեն Սարգսյանը համաշխարհային համբավ, մեծ փորձ ունեցող մարդ է, ում փորձը կարող է  օգտակար լինել Հայաստանին: Ընդունել նման վիճակում գտնվող երկիր և փորձել ղեկավարել, նրա կողմից մեծ առաքելություն է: Խարիզման շատ մեծ նշանակություն ունի: Անկասկած, ՀՀ վարչապետն ավելի մեծ իրավասություններ կունենա, բայց ի՞նչ է, կարծում եք՝ նախագահը որևէ դեր չպե՞տք է ունենան: Կարծում եմ, Արմեն Սարգսյանի դերը շատ մեծ է լինելու: Ամեն մեկն իր տեղում անելիք ունի»,- ասաց նա:

Անդրադառնալով մշակույթի նախկին նախարար Հասմիկ Պողոսյանի՝ ՀՀ նախագահի խորհրդական նշանակվելու փաստին՝ Կարեն Աղամիրյանը կարճ նշեց՝ ոգևորված և լիահույս է:

Լրագրողներիը Նկարիչների միության նախագահից հետաքրքրվեցին՝ որո՞նք են այսօր նկարիչների և միության առաջնային խնդիրները: Ի պատասխան՝ Աղամիրյանը նկատեց, որ կար ժամանակ, երբ նկարիչները բավականին բարեկեցիկ կյանքով էին ապրում, ակտիվ ստեղծագործում: Մինչդեռ այժմ սոցիալական խնդիրները մեծապես խոչընդոտում են ստեղծագործական ներուժին:  

«Հայ մշակույթը մեծ հետնահանջ է ապրում: Բայց հույս ունեմ, որ ապագայում այս սխալները կճշտվեն»,- ամփոփեց արվեստագետը: