Ձեր վստահելի աղբյուրը

ԲՆ բնապահպանության և ընդերքի տեսչական մարմինն այս տարվա հունվարի 16-ից փետրվարի 4-ը ստուգում է անցկացրել «Ախթալայի ԼՀԿ» ՓԲԸ-ում: Դրա արդյունքում պարզվել է, որ ընկերությունը խախտել է օրենքի մի քանի պահանջներ:

ՀՀ ջրային օրենսգրքի 27-րդ, 37-րդ հոդվածների հետևյալ պահանջները.

• իրականացվել է ջրօգտագործման թույլտվությունից ավել  ջրառ,
• սահմանված կարգով չի իրականացվել  ջրառի հաշվառում,
• չի մշակվել արդիական տեխնոլոգիաների կիրառման ջրային ռեսուրսների մոնիտորինգ, բարելավող և աղտոտման նվազեցման, կանխման միջոցառումներ,
• չի մշակվել և իրականցվել ջրակորուստների կրճատման և նորմավորման ջրաքանակների արդյունավետ օգտագործման միջոցառումների ծրագիր,
• 2017 թվականի վթարի հետևանքով  արտադրական հոսքաջրերն աղտոտել են 200 մ2 հողային տարածք, ինչը ՀՀ ԲՆ բնապահպանության և ընդերքի տեսչական մարմնի պահանջով մաքրվել է:
• Խախտումներն այսքանով չեն սահմանափակվում:

Այսպիսով,  նշված խախտումներն առաջացնում են շրջակա միջավայրին հասցված վնասի վերականգնում 5.003.974 ՀՀ դրամ և վարչական պատասխանատվություն` 200.000 ՀՀ դրամի չափով։